ദുബായ്, 2024 മെയ് 7 (WAM) --ടൂറിസം വ്യവസായത്തെ ശക്തിപ്പെടുത്താനുള്ള ശ്രമത്തിൽ, ഗ്വാട്ടിമാല യുണൈറ്റഡ് അറബ് എമിറേറ്റുകളുമായുള്ള എയർ കണക്റ്റിവിറ്റി വർദ്ധിപ്പിക്കുന്നതിന് കൂടുതൽ പരിശ്രമം നടത്തുന്നു, ഇത് രണ്ടാം വർഷവും ദുബായിലെ അറേബ്യൻ ട്രാവൽ മാർക്കറ്റിൽ (എടിഎം) പങ്കാളിത്തം തെളിയിക്കുന്നു.
ലാറ്റിനമേരിക്കൻ വിപണിയിൽ തങ്ങളുടെ സാന്നിധ്യം വിപുലീകരിക്കാനുള്ള യുഎഇ എയർലൈനുകളുടെ സാധ്യതകളിൽ ഗ്വാട്ടിമാലയിലെ ടൂറിസം മന്ത്രി ഹാരിസ് വിറ്റ്ബെക്ക്, താൽപര്യം പ്രകടിപ്പിച്ചു. ദുബായ്‌ക്കും മെക്‌സിക്കോ സിറ്റിക്കും ഇടയിലുള്ള എമിറേറ്റ്‌സ് വിമാനത്തിലും ദുബായ്‌ക്കും കൊളംബിയയിലെ ബൊഗോട്ടയ്‌ക്കുമിടയിൽ വരാനിരിക്കുന്ന റൂട്ടിലൂടെയും ഈ മേഖലയിൽ യുഎഇയുടെ താൽപ്പര്യം പ്രകടമാണെന്ന് മന്ത്രി വ്യക്തമാക്കി.
എടിഎമ്മിലെ ഗ്വാട്ടിമാലൻ പവലിയൻ സാഹസിക വിനോദസഞ്ചാരത്തിനും മത്സ്യബന്ധനത്തിനും സാംസ്കാരിക അനുഭവങ്ങൾക്കും വിവിധ അവസരങ്ങൾ നൽകുന്നു. ഗ്വാട്ടിമാലൻ ഇൻസ്റ്റിറ്റ്യൂട്ട് ഓഫ് ടൂറിസം ഈ മേഖലയിൽ നിന്ന് കൂടുതൽ സന്ദർശകരെ ആകർഷിക്കുന്നതിനായി രാജ്യത്തെക്കുറിച്ചുള്ള സമഗ്രമായ വിവരങ്ങൾ നൽകുന്നു. യുഎഇ പൗരന്മാരായ വിനോദ സഞ്ചാരികൾ കൂടുതൽ സാഹസികത തേടുന്നുണ്ട് ഗ്വാട്ടിമാല അത് നൽകാൻ പര്യാപ്തമായ സ്ഥലമാണ്, മന്ത്രി അഭിപ്രായപ്പെട്ടു.
അഗ്നിപർവ്വതങ്ങൾ, കറുത്ത മണൽ ബീച്ചുകൾ, തടാകങ്ങൾ, പർവതങ്ങൾ, 3,000 വർഷത്തെ ചരിത്രമുള്ള പുരാവസ്തു സൈറ്റുകൾ എന്നിവ ഈ രാജ്യം മുന്നോട്ട് വെക്കുന്ന ടൂറിസം സാധ്യതകളാണ്. മാർക്കറ്റ്, സന്ദർശകർ, അവരുടെ ശീലങ്ങൾ എന്നിവയെ കുറിച്ചുള്ള ധാരണ വർദ്ധിപ്പിക്കുന്നതിന് ഗ്വാട്ടിമാലൻ ടൂറിസം മന്ത്രാലയം ബിഗ് ഡാറ്റ പ്രോഗ്രാമുകളുമായി സഹകരിക്കുന്നു. ഗ്വാട്ടിമാലയുടെ ടൂറിസം ഇൻഫ്രാസ്ട്രക്ചർ വർദ്ധിപ്പിക്കുന്നതിന് പുതിയ ലക്ഷ്യസ്ഥാനങ്ങൾ വികസിപ്പിക്കുന്നതിനും യുഎഇ പോലുള്ള രാജ്യങ്ങളിൽ നിന്ന് പിന്തുണ തേടുന്നതിനും പ്രാദേശിക കമ്മ്യൂണിറ്റികളുമായി ഇടപഴകാനും വിറ്റ്ബെക്ക് പദ്ധതിയിടുന്നു. ഗ്വാട്ടിമാലയുടെ സമ്പത്ത് പ്രദർശിപ്പിക്കുന്നതിനും എമിറാത്തി സംസ്കാരം മനസ്സിലാക്കാൻ ബന്ധങ്ങൾ സ്ഥാപിക്കുന്നത്തിലും അദ്ദേഹം പ്രാദേശിക അധികാരികളുമായും ടൂറിസം മേഖലയിലെ കമ്പനികളുമായും കൂടിക്കാഴ്ച നടത്തും.
WAM/അമൃത രാധാകൃഷ്ണൻ