അബുദാബി, 7 മെയ്, 2024 (WAM) -- യുഎഇ സുപ്രീം കൗൺസിൽ അംഗവും റാസൽഖൈമ ഭരണാധികാരിയുമായ ശൈഖ് സൗദ് ബിൻ സഖർ അൽ ഖാസിമി അബുദാബിയിലെ എഐഎം കോൺഗ്രസിൽ ഉന്നതതല പ്രതിനിധികളുമായി കൂടിക്കാഴ്ച നടത്തി.
യുഎഇയിലും വിദേശത്തും സുസ്ഥിര വികസനത്തിനുള്ള നിക്ഷേപ തന്ത്രങ്ങൾ ചർച്ച ചെയ്യുന്നതിനായി അദ്ദേഹം ആഗോള നിക്ഷേപ ഫണ്ട് മേധാവികളുമായും ബിസിനസ്സ് മേധാവികളുമായും കൂടിക്കാഴ്ച നടത്തി.
പ്രത്യേക മീറ്റിംഗുകളുടെ ഒരു പരമ്പരയിൽ, ചൈനയുടെ ടെൻസെൻ്റ് ഗ്രൂപ്പിൻ്റെ ഭാഗമായ ടെൻസെൻ്റ് ഇൻവെസ്റ്റ്മെൻ്റിൻ്റെ മാനേജിംഗ് ഡയറക്ടർ ഡാൻ ബ്രോഡി, സീ ഹോൾഡിംഗിൻ്റെ ചെയർമാനും സിഇഒയുമായ ഫാരിസ് സയീദ്, ചൈനയിലെ ഐടിജി ഹോൾഡിംഗിൻ്റെ ഐടിജി മൈസിൻ്റെ ചെയർമാനും ഷാൻ സി ഡോംഗ് എന്നിവരുമായി ശൈഖ് സൗദ് കൂടിക്കാഴ്ച നടത്തി.
സമ്പൂർണ സുസ്ഥിര വികസനത്തിൽ ശ്രദ്ധ കേന്ദ്രീകരിച്ച് നിക്ഷേപവും സാമ്പത്തിക ബന്ധവും മെച്ചപ്പെടുത്തുന്നതിനുള്ള വഴികൾ കൂടിക്കാഴ്ചയിൽ അദ്ദേഹം ചർച്ച ചെയ്തു. യുഎഇയിലെ നിക്ഷേപ വളർച്ചയെക്കുറിച്ചുള്ള തൻ്റെ കാഴ്ചപ്പാടും വരും തലമുറകൾക്ക് മികച്ച ഭാവിയെ പിന്തുണയ്ക്കാനുള്ള അതിൻ്റെ സാധ്യതയും അദ്ദേഹം എടുത്തുപറഞ്ഞു.
'മാറുന്ന ഇൻവെസ്റ്റ്മെൻ്റ് ലാൻഡ്സ്കേപ്പിലേക്ക് പൊരുത്തപ്പെടുക : ഗ്ലോബൽ എക്കണോമിക് ഡെവലപ്മെൻ്റിന് പുതിയ സാധ്യതകൾ പ്രയോജനപ്പെടുത്തുക' എന്ന വിഷയത്തിൽ നടന്ന എഐഎം കോൺഗ്രസിൽ 175 രാജ്യങ്ങളിൽ നിന്നുള്ള 12,000 പേർ പങ്കെടുത്തു. ആഗോള സാമ്പത്തിക വളർച്ചയിൽ യഥാർത്ഥ സ്വാധീനം ചെലുത്തുന്നതിന് നിക്ഷേപ മേഖലയെ മുന്നോട്ട് കൊണ്ടുപോകാനും സഹകരണം ശക്തിപ്പെടുത്താനും സമ്മേളനം ലക്ഷ്യമിടുന്നു.
WAM/അമൃത രാധാകൃഷ്ണൻ