അബുദാബി, 9 മേയ്, 2024 (WAM) - ഇൻഫ്രാസ്ട്രക്ചർ, പുനരുപയോഗ ഊർജ മേഖലകൾ എന്നിവയുൾപ്പെടെ വിവിധ മേഖലകളിൽ നിക്ഷേപം വർധിപ്പിക്കാൻ മോൾഡോവ പ്രതീക്ഷിക്കുന്നതായി നാഷണൽ ബാങ്ക് മോൾഡോവയുടെ ഡെപ്യൂട്ടി ഗവർണർ ടാറ്റിയാന ഇവാനിചിച്ചിന പറഞ്ഞു.
യുഎഇ ഈ മേഖലകളിൽ കാര്യമായ പുരോഗതി കൈവരിച്ചിട്ടുണ്ടെന്നും ശുദ്ധവും, പുനരുപയോഗിക്കാവുന്നതുമായ ഊർജ്ജ മേഖലയിൽ നിരവധി ആഗോള പദ്ധതികൾ ആവിഷ്‌കരിച്ചിട്ടുണ്ടെന്നും അവർ ചൂണ്ടിക്കാട്ടി. "പങ്കാളികളുമായി പുതിയ പങ്കാളിത്തം സ്ഥാപിക്കുന്നതിനും നിക്ഷേപ അവസരങ്ങൾ കണ്ടെത്തുന്നതിനും പരമപ്രധാനമാണ്, അതിനാൽ ആഗോളതലത്തിൽ സാമ്പത്തിക വികസനം വികസിപ്പിക്കുന്നതിൽ ശ്രദ്ധ കേന്ദ്രീകരിക്കുന്ന മൂന്ന് ദിവസത്തെ ചർച്ചകളുടെയും സുപ്രധാന സംഭവങ്ങളുടെയും പൂർണ്ണമായ അജണ്ട ഉൾപ്പെടുന്ന എഐഎം കോൺഗ്രസ് 2024ൽ പങ്കെടുക്കാൻ കഴിഞ്ഞത്തിൽ സന്തോഷമുണ്ട് ," അബുദാബിയിൽ നടന്ന എഐഎം കോൺഗ്രസിൻ്റെ ഭാഗമായി എമിറേറ്റ്‌സ് വാർത്താ ഏജൻസിയോട് ഇവാനിസിച്ചിന പറഞ്ഞു.
മൊൾഡോവയുടെ വൈവിധ്യമാർന്ന നിക്ഷേപ അവസരങ്ങളും അതിൻ്റെ കാഴ്ചപ്പാടുകളും വിവിധ മേഖലകളിലെ നിക്ഷേപം വർധിപ്പിക്കാനുള്ള പദ്ധതികളും ഉയർത്തിക്കാട്ടാൻ എഐഎം കോൺഗ്രസ് ഒരു പ്രധാന പ്ലാറ്റ്ഫോം നൽകിയതായി ഇവാനിസിച്ചിന പറഞ്ഞു.
അബുദാബിയിലെ എഐഎം കോൺഗ്രസിൽ ആദ്യമായി പങ്കെടുക്കാൻ സാധിച്ചതിൽ അവർ സന്തോഷം പ്രകടിപ്പിച്ചു, വിദേശ നിക്ഷേപം ആകർഷിക്കാൻ മോൾഡോവയ്ക്ക് വലിയ സാധ്യതയുണ്ടെന്നും വിവിധ രാജ്യങ്ങളുമായി, പ്രത്യേകിച്ച് പങ്കാളിത്ത സാധ്യതകൾ മെച്ചപ്പെടുത്തുന്നതിനുള്ള ലഭ്യമായ അവസരങ്ങൾ പര്യവേക്ഷണം ചെയ്യാൻ ഈ പ്രമുഖ ആഗോള പരിപാടിയിൽ ശ്രമിച്ചതായും അവർ അഭിപ്രായപ്പെട്ടു.
WAM/അമൃത രാധാകൃഷ്ണൻ