അബുദാബി, 9 മേയ്, 2024 (WAM) --ആഗോള തലത്തിൽ സഹിഷ്ണുതയും സമാധാനവും പ്രോത്സാഹിപ്പിക്കുന്നതിൽ യുഎഇ സുപ്രധാനവും നേതൃത്വപരവുമായ പങ്ക് വഹിക്കുന്നുവെന്ന് ഗ്ലോബൽ കൗൺസിൽ ഫോർ ടോളറൻസ് ആൻഡ് പീസ് പ്രസിഡൻ്റ് അഹമ്മദ് ബിൻ മുഹമ്മദ് അൽ ജർവാൻ പ്രസ്താവിച്ചു. എഐഎം കോൺഗ്രസ് 2024 ൻ്റെ ഭാഗമായി നടന്ന 'സഹിഷ്ണുതയ്ക്കുള്ള ഇൻകുബേറ്ററുകളായി ലോക സർക്കാരുകൾ' എന്ന സമ്മേളനത്തിൻ്റെ ഉദ്ഘാടന വേളയിൽ സുസ്ഥിര സാമ്പത്തിക വളർച്ചയിൽ സഹിഷ്ണുതയുടെയും സഹവർത്തിത്വത്തിൻ്റെയും പങ്ക് എന്ന സെഷനിൽ സംസാരിക്കുകയായിരുന്നു അദ്ദേഹം.
ഹോണ്ടുറാസിലെയും ഇക്വഡോറിലെയും നിക്ഷേപ മന്ത്രാലയങ്ങളുമായി സഹിഷ്ണുത, സഹവർത്തിത്വ മന്ത്രാലയം ഇന്ന് ഒപ്പുവച്ച കരാറുകളും യുഎഇയും ഓസ്ട്രിയയും തമ്മിലുള്ള സഹകരണ കരാറും സാധുതയുള്ളതായി എമിറേറ്റ്സ് ന്യൂസ് ഏജൻസിക്ക് നൽകിയ പ്രസ്താവനയിൽ അൽ ജർവാൻ പറഞ്ഞു. സഹിഷ്ണുതയുടെയും സമാധാനത്തിൻ്റെയും മൂല്യങ്ങൾ പ്രചരിപ്പിക്കുന്നതിനും ആഗോളതലത്തിൽ പങ്കാളികളെ ആകർഷിക്കുന്നതിനും വേണ്ടി വാദിക്കുന്ന യുഎഇയുടെ പ്രതിബന്ധതയാണ് ഇത് തെളിയിക്കുന്നതെന്നും, അദ്ദേഹം കൂട്ടിച്ചേർത്തു.
സെഷനുകൾ അഭിസംബോധന ചെയ്യുന്ന പ്രധാന സ്തംഭങ്ങളെക്കുറിച്ചുള്ള സമ്മേളനത്തിൽ സഹിഷ്ണുത, സഹവർത്തിത്വ മന്ത്രി ശൈഖ് നഹ്യാൻ ബിൻ മുബാറക് അൽ നഹ്യാൻ്റെ പ്രസംഗത്തിൽ ഉൾപ്പെടുത്തിയതിനെ അദ്ദേഹം പ്രശംസിച്ചു.
സഹിഷ്ണുതയും സഹവർത്തിത്വവും വളർത്തിയെടുക്കുന്നതിലൂടെ രാജ്യത്തെ പൗരന്മാരെയും, താമസക്കാരെയും ഉൾക്കൊള്ളുന്ന ഒരു സുസ്ഥിര സംസ്കാരമായി മാറുന്ന ഘട്ടത്തിലേക്ക്, അന്തരിച്ച ശൈഖ് സായിദ് ബിൻ സുൽത്താൻ അൽ നഹ്യാൻ സ്ഥാപിച്ചതും രാഷ്ട്രപതി ശൈഖ് മുഹമ്മദ് ബിൻ സായിദ് അൽ നഹ്യാൻ തുടരുന്നതുമായ ഒരു സമ്പന്നമായ മാനുഷിക പൈതൃകം യുഎഇക്ക് ഉണ്ടെന്ന് അദ്ദേഹം പ്രസ്താവിച്ചു.
WAM/അമൃത രാധാകൃഷ്ണൻ