അബുദാബി, 12 ജൂൺ 2024 (WAM) -- മതപരവും ധാർമ്മികവുമായ കടമയെന്ന നിലയിൽ കുട്ടികളുടെ സംരക്ഷണവും മൗലികാവകാശങ്ങളും ഉറപ്പാക്കേണ്ടത് വളരെ പ്രാധാനമാണെന്ന് അൽ-അസ്ഹറിലെ ഗ്രാൻഡ് ഇമാം ഡോ. അഹമ്മദ് അൽ തയെബിൻ്റെ നേതൃത്വത്തിലുള്ള മുസ്ലീം കൗൺസിൽ ഓഫ് എലഡേഴ്സ് ഊന്നിപ്പറഞ്ഞു. ഇസ്ലാം കുട്ടികൾക്ക് വലിയ പ്രാധാന്യം നൽകുന്നു, രാഷ്ട്രങ്ങളുടെ ഭാവി കെട്ടിപ്പടുക്കുന്നതിൽ അവരെ അത്യന്താപേക്ഷിതമായ സ്തംഭങ്ങളായി കണക്കാക്കുന്നു, അവരുടെ ശരിയായ വളർത്തൽ, സംരക്ഷണം, ജീവിക്കാനുള്ള അവകാശം, ആരോഗ്യ സംരക്ഷണം, വിദ്യാഭ്യാസം എന്നിവ ഉൾപ്പെടെയുള്ള അവരുടെ അന്തർലീനമായ അവകാശങ്ങളോടുള്ള ആദരവ് എന്നിവയ്ക്കായി അത് വാദിക്കുന്നു.
കുട്ടികളെ അവരുടെ പ്രായത്തിന് അനുയോജ്യമല്ലാത്ത ജോലിക്ക് നിർബന്ധിച്ച് ചൂഷണം ചെയ്യുന്നത് അവരുടെ ബാല്യത്തിൻ്റെ ഗുരുതരമായ ലംഘനമാണെന്ന് കൗൺസിൽ ബാലവേല വിരുദ്ധ ദിനത്തോടനുബന്ധിച്ച് നടത്തിയ പ്രസ്താവനയിൽ പറഞ്ഞു.
കുട്ടികളുടെ മൗലികാവകാശങ്ങൾക്കായി കുടുംബങ്ങളുടെയും സമൂഹത്തിൻ്റെയും ധാർമ്മിക ഉത്തരവാദിത്തങ്ങൾ ഊന്നിപ്പറയുന്ന മനുഷ്യ സാഹോദര്യത്തെക്കുറിച്ചുള്ള 2019 ഡോക്യുമെൻ്റിനെ പരാമർശിച്ചുകൊണ്ട് ഫലപ്രദമായ നയങ്ങളിലൂടെയും നടപടികളിലൂടെയും ബാലവേലയെ ചെറുക്കാനുള്ള ശ്രമങ്ങൾ ശക്തമാക്കണമെന്ന് കൗൺസിൽ ആവശ്യപ്പെട്ടു. കുട്ടികളുടെ അന്തസ്സിനെ ഹനിക്കുന്ന നടപടികളെ കൗൺസിൽ അപലപിക്കുകയും അപകടസാധ്യതകളും ലംഘനങ്ങളും പരിഹരിക്കേണ്ടതിൻ്റെ ആവശ്യകത ഊന്നിപ്പറയുകയും ചെയ്തു.
WAM/അമൃത രാധാകൃഷ്ണൻ