അബുദാബി, 9 ജൂലൈ 2024 (WAM) -- 2023-2024 ലെ വ്യക്തിഗത വിഭാഗത്തിലെ നഫീസ് അവാർഡിൻ്റെ രണ്ടാം പതിപ്പിലെ പത്ത് വിജയികളെ യുഎഇ രാഷ്ട്രപതി ശൈഖ് മുഹമ്മദ് ബിൻ സായിദ് അൽ നഹ്യാൻ ഖസർ അൽ ബഹറിൽ സ്വീകരിച്ചു. ചടങ്ങിൽ വൈസ് പ്രസിഡൻ്റും ഉപപ്രധാനമന്ത്രിയും പ്രസിഡൻഷ്യൽ കോർട്ട് ചെയർമാനും, എമിറാത്തി ടാലൻ്റ് കോംപറ്റിറ്റീവ് കൗൺസിൽ (ഇടിസിസി) ചെയർമാനുമായ ശൈഖ് മൻസൂർ ബിൻ സായിദ് അൽ നഹ്യാൻ, പങ്കെടുത്തു.
വിജയികളെ അഭിനന്ദിച്ച രാഷ്ട്രപതി, എമിറാത്തി ടാലൻ്റ് കോംപറ്റിറ്റീവ്നസ് കൗൺസിലിനെയും സ്വകാര്യമേഖലയിലെ എമിറേറ്റൈസേഷൻ ലക്ഷ്യങ്ങൾക്കായുള്ള യുഎഇയുടെ കാഴ്ചപ്പാടിനെയും പിന്തുണയ്ക്കുന്നതിനുള്ള പങ്കാളികളുടെ ശ്രമങ്ങളെ അഭിനന്ദിക്കുകയും ചെയ്തു. എമിറാത്തി പ്രതിഭകളുടെ പങ്കാളിത്തം പ്രോത്സാഹിപ്പിക്കുന്നതിനും തൊഴിൽ വിപണിയിൽ മികവിൻ്റെയും മത്സരത്തിൻ്റെയും സംസ്കാരം വളർത്തിയെടുക്കുന്നതിലും സ്വകാര്യ സ്ഥാപനങ്ങളുടെ പ്രാധാന്യവും അദ്ദേഹം എടുത്തുപറഞ്ഞു. പൊതു-സ്വകാര്യ മേഖലകളുടെ പങ്ക് പരസ്പര പൂരകമാണെന്നും ദേശീയ സമ്പദ്വ്യവസ്ഥയിൽ സ്വകാര്യ മേഖല നിർണായക പങ്ക് വഹിക്കുകയും രാജ്യത്തിൻ്റെ സാമ്പത്തിക വ്യവസ്ഥയെ മുന്നോട്ട് കൊണ്ടുപോകുകയും ചെയ്യുന്നുവെന്നും ശൈഖ് മുഹമ്മദ് പ്രസ്താവിച്ചു.
നഫീസ് അവാർഡിൻ്റെ വിഭാഗങ്ങൾ, മൂല്യനിർണ്ണയ ഘട്ടങ്ങൾ, രണ്ടാം പതിപ്പിനായി വ്യക്തികളിലും കമ്പനികളിലും വിജയികളെ തിരഞ്ഞെടുക്കുന്നത് ഉൾപ്പെടെയുള്ള കൗൺസിൽ പ്രോഗ്രാമുകളുടെയും പ്രോജക്റ്റുകളുടെയും ഒരു അവലോകനം എമിറാത്തി ടാലൻ്റ് കോംപറ്റീറ്റീവ് കൗൺസിൽ സെക്രട്ടറി ജനറൽ ഗന്നം ബുട്ടി അൽ മസ്റൂയി, അവതരിപ്പിച്ചു. വിജയികൾ രാഷ്ട്രപതിയെ കണ്ടതിൽ സന്തോഷം പ്രകടിപ്പിക്കുകയും സ്വകാര്യമേഖലയിൽ യുവാക്കളെ ശാക്തീകരിക്കുന്നതിനുള്ള നേതൃത്വത്തിൻ്റെ കാഴ്ചപ്പാടുകളും അഭിലാഷങ്ങളും കൈവരിക്കുന്നതിനുള്ള തങ്ങളുടെ മികവിൻ്റെ യാത്ര തുടരാനുള്ള പ്രതിബദ്ധത പ്രകടിപ്പിക്കുകയും ചെയ്തു.
എമിറാത്തി പ്രതിഭകളിൽ നിക്ഷേപം നടത്താൻ പ്രതിജ്ഞാബദ്ധത പ്രകടിപ്പിച്ച് മാനവ വിഭവശേഷി, മന്ത്രാലയത്തിൽ രജിസ്റ്റർ ചെയ്ത സ്വകാര്യമേഖലാ സ്ഥാപനങ്ങൾക്കൊപ്പം പ്രവർത്തിക്കുന്ന മികച്ച എമിറാത്തികളെ ആദരിക്കുകയെന്നതാണ് നാഫിസ് അവാർഡ് ലക്ഷ്യമിടുന്നത്. ഖസർ അൽ ബഹറിൽ നടന്ന സ്വീകരണത്തിൽ വിവിധ ഉദ്യോഗസ്ഥർ, ശൈഖുമാർ,പൗരന്മാർ, അതിഥികൾ എന്നിവർ പങ്കെടുത്തു.