അബുദാബി, 30 ജൂലൈ 2024 (WAM) –- ഫെഡറൽ നാഷണൽ കൗൺസിലിൻ്റെ (എഫ്എൻസി) ഫസ്റ്റ് ഡെപ്യൂട്ടി സ്പീക്കർ ഡോ. താരിഖ് ഹുമൈദ് അൽ തായർ,ചിലി സെനറ്റിലെ ചിലി-യുഎഇ പാർലമെൻ്ററി സൗഹൃദ സമിതിയുടെ. ചെയർമാൻ ഫ്രാൻസിസ്കോ ചാഹുവാൻ്റെ നേതൃത്വത്തിലുള്ള പ്രതിനിധി സംഘവുമായി കൂടിക്കാഴ്ച നടത്തി. ചിലി രാഷ്ട്രപതിയുടെ യുഎഇ സന്ദർശനത്തോട് അനുബന്ധിച്ച് അബുദാബിയിൽ വെച്ചായിരുന്നു കൂടിക്കാഴ്ച.
എല്ലാ മേഖലകളിലും വർദ്ധിച്ചുവരുന്ന യുഎഇ-ചിലി സഹകരണവും പരസ്പര താൽപ്പര്യ വിഷയങ്ങളിൽ ഏകോപനവും കൂടിയാലോചനയും വർദ്ധിപ്പിക്കുന്നതിന് പാർലമെൻ്ററി സൗഹൃദ ഗ്രൂപ്പുകൾ സജീവമാക്കേണ്ടതിൻ്റെ പ്രാധാന്യവും അൽ തായർ വ്യക്തമാക്കി. സാങ്കേതികവിദ്യ, ശാസ്ത്രം, പുനരുപയോഗ ഊർജം, സുസ്ഥിര വികസനം എന്നിവയിൽ സഹകരണം വർധിപ്പിക്കാനുള്ള ചിലിയുടെ പ്രതിബദ്ധതയും ചാഹുവാൻ എടുത്തുപറഞ്ഞു. യോഗത്തിൽ എഫ്എൻസി അംഗങ്ങളും ഉദ്യോഗസ്ഥരും പങ്കെടുത്തു.