അബുദാബി, 14 ഓഗസ്റ്റ് 2024 (WAM) -- ഒമാനിൽ വാഹനാപകടത്തെ തുടർന്ന് ഗുരുതരമായി പരിക്കേറ്റ ആൾക്ക്
യുഎഇ വിദേശകാര്യ മന്ത്രാലയവും നാഷണൽ ഗാർഡ് - നാഷണൽ സെർച്ച് ആൻഡ് റെസ്ക്യൂ സെൻ്ററും (എൻഎസ്ആർസി) വൈദ്യസഹായം നൽകി. അപകടത്തിൽ യുഎഇ പൗരയായ ഒരു വനിത മരിക്കുകയും മറ്റുള്ളവർക്ക് പരിക്കേൽക്കുകയും ചെയ്തു. പരിക്കേറ്റയാളെ അടിയന്തര പരിചരണത്തിനായി ഇബ്രി ആശുപത്രിയിലേക്ക് മാറ്റി. എയർലിഫ്റ്റ് ഓപ്പറേഷൻ നടത്തിയാണ് ഇയാളെ യുഎഇയിലേക്ക് മാറ്റിയത്.
യുഎഇ എംബസിയെ രക്ഷാപ്രവർത്തനങ്ങൾ നടത്താൻ സഹായിച്ച ഒമാനി അധികൃതരുടെ പിന്തുണയ്ക്ക് വിദേശകാര്യ മന്ത്രാലയം നന്ദി അറിയിക്കുകയും,ജാഗ്രത, നിയമങ്ങൾ, നിയന്ത്രണങ്ങൾ, വേഗത പരിധികൾ എന്നിവ പാലിക്കാനും, അപകടങ്ങൾ ഒഴിവാക്കാനും യാത്രക്കാരോട് അഭ്യർത്ഥിക്കുകയും ചെയ്തു.