അബുദാബി, 2021 ജൂൺ 27, (WAM) -- വിജയകരമായ പൈലറ്റ് ഘട്ടത്തെത്തുടർന്ന് എമിറേറ്റിലുടനീളം ഇഡിഇ കോവിഡ്-19 സ്കാനറുകളുടെ റോൾ ഔട്ട് വിപുലീകരിക്കുമെന്ന് അബുദാബി എമർജൻസി, ക്രൈസിസ് ആൻഡ് ഡിസാസ്റ്റർ കമ്മിറ്റി അറിയിച്ചു. കോവിഡ്-19 വൈറസിന്റെ ഫലപ്രദവും പ്രാപ്യവുമായ ഡിറ്റക്ടറുകളായി ഇഡിഇ സ്കാനറുകളെ അബുദാബി ആരോഗ്യവകുപ്പ് - അംഗീകരിച്ചതിനെ തുടർന്നാണ് ഈ തീരുമാനം.
ഏറ്റവും പുതിയ സാങ്കേതികവിദ്യ ഉപയോഗിച്ച് പൊതുജനാരോഗ്യത്തെ പരിരക്ഷിക്കുന്ന കോവിഡ്-19 മുൻകരുതൽ നടപടികൾ തുടർച്ചയായി വർദ്ധിപ്പിക്കുന്നതിനുള്ള എമിറേറ്റിന്റെ പ്രതിജ്ഞാബദ്ധതയുടെ ഭാഗമായാണ് തീരുമാനം. പ്രതിരോധ നടപടികളുടെ ഒരു പരമ്പരയ്ക്ക് വിധേയമായ സുരക്ഷിത മേഖലകൾ സ്ഥാപിച്ച് കോവിഡ് -19 വ്യാപനം പരിമിതപ്പെടുത്തുന്നതിൽ ഇഡിഇ സ്കാനിംഗ് സാങ്കേതികവിദ്യ ഒരു പ്രധാന പങ്ക് വഹിക്കും.
ഇത് ജൂൺ 28 മുതൽ പ്രാബല്യത്തിൽ വരും. വിവിധ ഷോപ്പിംഗ് മാളുകളിലും ചില റെസിഡൻഷ്യൽ ഏരിയകളിലും എല്ലാ ലാൻഡ്, എയർ എൻട്രി പോയിന്റുകളിലും ഇഡിഇ സ്കാനറുകൾ ഉപയോഗിക്കും.
ഒരു വ്യക്തിയ്ക്ക് കോവിഡ്-19 ബാധിക്കാൻ സാധ്യതയുണ്ടെന്ന് സ്കാനർ തിരിച്ചറിയുന്നുവെങ്കിൽ, അവർക്ക് പ്രവേശിക്കാൻ അനുവാദം ലഭിക്കില്ല, മാത്രമല്ല അംഗീകൃത പ്രോട്ടോക്കോൾ പിന്തുടരുകയും 24 മണിക്കൂറിനുള്ളിൽ പിസിആർ പരിശോധന നടത്തുകയും വേണം.
WAM/Sreejith Kalarikkal http://wam.ae/en/details/1395302947686 WAM/Malayalam