പ്രായപൂർത്തിയാകാത്തവരുടെ പോണോഗ്രാഫിക് മെറ്റീരിയലുകൾ ഐടി മാർഗ്ഗങ്ങളിലൂടെ വാങ്ങുന്നതിനുള്ള ശിക്ഷകൾ ചൂണ്ടിക്കാട്ടി പബ്ലിക് പ്രോസിക്യൂഷൻ

അബുദാബി, 2021 ഓഗസ്റ്റ് 02, (WAM) -- പ്രായപൂർത്തിയാകാത്തവരുടെ പോണാഗ്രാഫിക് മെറ്റീരിയലുകൾ വാങ്ങുന്നതിനുള്ള ശിക്ഷകൾ, പബ്ലിക് പ്രോസിക്യൂഷൻ ഇന്ന് അതിന്‍റെ സോഷ്യൽ മീഡിയ അക്കൗണ്ടുകളിലെ പോസ്റ്റുകളിലൂടെ പ്രസ്താവിച്ചു.

സൈബർ കുറ്റകൃത്യങ്ങളെ ചെറുക്കുന്നതിനുള്ള 2012-ലെ ഫെഡറൽ-ഉത്തരവ് നിയമം 5-ലെ ആർട്ടിക്കിൾ (18) പ്രകാരം, ഇലക്ട്രോണിക് ഇൻഫർമേഷൻ സിസ്റ്റം അല്ലെങ്കിൽ കമ്പ്യൂട്ടർ നെറ്റ്‌വർക്ക് അല്ലെങ്കിൽ ഇലക്ട്രോണിക് വെബ്‌സൈറ്റ് അല്ലെങ്കിൽ ഏതെങ്കിലും വിവരസാങ്കേതിക വിദ്യ ഉപയോഗിച്ച് പ്രായപൂർത്തിയാകാത്തവരുടെ പോണാഗ്രാഫിക് മെറ്റീരിയലുകൾ ആരെങ്കിലും മനഃപൂർവ്വം ലഭ്യമാക്കിയാൽ, കുറഞ്ഞത് ആറുമാസം തടവും 150,000 ദിർഹത്തിൽ കുറയാത്തതും ഒരു മില്യൺ ദിർഹത്തിൽ കൂടാത്ത പിഴയും ശിക്ഷയായി ലഭിക്കുന്നതാണ് എന്ന് പബ്ലിക് പ്രോസിക്യൂഷൻ വിശദീകരിച്ചു.

നിയമപരമായ സംസ്കാരവും പൊതുജനങ്ങളിൽ അവബോധവും ഉയർത്തുന്നതിനായി പബ്ലിക് പ്രോസിക്യൂഷൻ നടത്തുന്ന പ്രചാരണത്തിന്റെ ഭാഗമാണ് ഈ പോസ്റ്റുകൾ.

ലൈംഗിക വികാരം ഉണർത്തുന്ന ഏതെങ്കിലും ഫോട്ടോഗ്രാഫുകൾ, റെക്കോർഡിംഗുകൾ, ഡ്രോയിംഗുകൾ മറ്റുള്ളവ അല്ലെങ്കിൽ പതിനെട്ട് വയസ്സിന് താഴെയുള്ള പ്രായപൂർത്തിയാകാത്തവരുമായുള്ള ഏതെങ്കിലും യഥാർത്ഥ, വെർച്വൽ അല്ലെങ്കിൽ കൃത്രിമ ലൈംഗിക പ്രവർത്തനങ്ങൾ എന്നിവയാണ് പ്രായപൂർത്തിയാകാത്തവർ ഉൾപ്പെടുന്ന പോണോഗ്രാഫി എന്നാൽ അർത്ഥമാക്കുന്നത്.

WAM/ Afsal Sulaiman http://wam.ae/en/details/1395302957152 WAM/Malayalam