دوبۍ، 12 فبروري، 2024 (وام) -- جلالتمآب شیخ محمد بن راشد المکتوم، د متحده عربي اماراتو مرستیالولسمشر او لومړي وزیر او د دوبۍ واکمن، نن د نړۍ د حکومتونو سرمشریزې (ډبليوجۍايس) 2024 په لومړۍ ورځد اقتصادي همکارۍ او پراختیا (اواۍسۍډۍ)، سازمان له عمومي منشي ماتیس کورمن سره وکتل.
دغه غونډه د دوبۍ د ولیعهد شیخ حمدان بن محمد بن راشد آل مکتوم او د دوبۍ د ولیعهد لومړی مرستیال شیخ مکتوم بن محمد بن راشد آل مکتوم او د لومړي وزیر مرستیال او د مالیې د وزیر په حضور کې ترسره شوه.
په دې ناسته کې د نړیوالو اقتصادي مسلو، د متحده عربي اماراتو او د اقتصادي همکاریو او پراختیا د سازمان ترمنځ د پیاوړې اړیکو او په نړیواله کچه د پرمختیایي نوښتونو په پرمختګ کې د د اقتصادي همکاریو او پراختیا د سازمان لخوا د پام وړ ونډې په اړه خبرې وشوې.
جلالتمآب شیخ محمد بن راشد کورمن ته په دې سرمشریزه کې ښه راغلاست ووایه، چیرته چې هغه د دوشنبې په ورځ د "اقتصادي بدلون بادونو ته غاړه ایښودل: یو نړیوال لید" تر عنوان لاندې په یوه عمومي غونډه کې ګډون وکړ.
جلالتمآب د اقتصادي پرمختګ په وده، د نړیوالې سوداګرۍ د اسانتیا، د کار پیدا کولو او د اقتصادي پالیسیو د ملاتړ په برخه کې د د اقتصادي همکاریو او پراختیا د سازمان د رول ستاینه وکړه چې د ټولو هیوادونو او د هغوی د خلکو لپاره جامع او دوامداره پرمختګ ته وده ورکوي.
کورمن د متحده عربي اماراتو او د اقتصادي همکاریو او پراختیا د سازمان ترمنځ ګټورې همکارۍ په مختلفو کلیدي پرمختیایي سکتورونو کې روښانه کړې، د دې اړیکو د لا پیاوړتیا لپاره د سازمان ژمنتیا یې په ګوته کړه، د متحده عربي اماراتو دریځ ته په پام سره چې د یو مخکښ اقتصادي مرکز په توګه چې د سوداګرۍ حکومتولۍ لوړ معیارونه تعقیبوي.
د اقتصادي همکاریو او پراختیا د سازمان عمومي منشي همدارنګه د نړۍ د حکومتونو ترمنځ د پیاوړې ملګرتیا په وده کې د نړۍ د حکومتونو سرمشریزې د رول ستاینه وکړه، چې موخه یې د راتلونکو فرصتونو او ننګونو اټکل کولو لپاره د نړیوالو هڅو سره سمون لري، ټولنیز سوکالۍ ته وده ورکول او په ټوله نړۍ کې د حکومت مشرتابه کې د پوهې او مهارتونو پراختیا ته وده ورکول دي.
په دې غونډه کې د دوبۍ د واکمن دوهم مرستیال جلالتمآب شیخ احمد بن محمد بن راشد آل مکتوم،جلالتمآب شیخ احمد بن سعید المکتوم، د اماراتو د هوايي شرکت او ګروپ مشر او اجرایوي مشر؛ د کابینې د چارو وزیر او د نړۍ د حکومتونو د سرمشریزې مشر محمد بن عبدالله الګيرګاوۍ؛ او محمد هادي الحسیني، د مالي چارو د دولت وزیر هم ګډون درلود.
نړۍ د حکومتونو سرمشریزې 2024 د فبروري تر 14 پورې په دوبۍ کې د "راتلونکي حکومتونو جوړولو" تر عنوان لاندې ترسره کیږي. په دې درې ورځنۍ غونډه کې له 25څخه زیات د دولتونو مشران، له 85څخه د زیاتو نړیوالو او سیمه ییزو سازمانونو او نړیوالو بنسټونو، 140 حکومتونو او د نړۍ مشهور فکري مشران او کارپوهان راټول شوي دي.
له 200 څخه ډیر مشهور وینا کونکي به د 110 څخه ډیرو ډیالوګونو او غونډو په جریان کې راتلونکي نړیوال رجحانات په ګوته کړي. نړۍ د حکومتونو سرمشریزې 2024 له 4,000 څخه ډیر ګډون کونکي لري، او له 23 څخه ډیر وزیرانو غونډې او اجرایوي غونډې له 300 څخه زیاتو وزیرانو ګډون کړی.
ترجمه: ګوهررحيم