ابوظهبي، 22 فبروري، 2024 (وام) -- ولسمشر جلالتماب شیخ محمد بن زاید آل نهیان؛ جلالتماب شیخ محمد بن راشد المکتوم، مرستیال ولسمشر، لومړی وزیر او د دوبۍ واکمن؛ او جلالتمآب شیخ منصور بن زاید آل نهیان، مرستیال ولسمشر، د لومړي وزیر مرستیال او د ولسمشرۍ د محکمې رییس،د دوو سپېڅلو جوماتونو سرپرست د سعودي عربستان پاچا سلمان بن عبدالعزیز آل سعود ته د سعودي عربستان د پاچاهۍ د تاسیس د ورځې په مناسبت د مبارکۍ پیغامونه استولي دي.
ولسمشر جلالتماب شیخ محمد بن زاید، جلالتماب شیخ محمد بن راشد او جلالتماب شیخ منصور بن زاید هم د سعودي ولیعهد او لومړي وزیر محمد بن سلمان بن عبدالعزیز ته په دې مناسبت مبارکي وویله.
ترجمه: محمدسليمان