عشق آباد، 26 جنوري، 2024 (وام) -- د اماراتو خبري اژانس (وام) یوه پلاوي چې مشري یې د وام عمومي رییس محمد جلال الریسی کوي، په ترکمنستان کې د رسنیو له بنسټونو سره د همکارۍ امکانات وڅیړل. خبرو اترو د دواړو هېوادونو ګډو ګټو ته د خدمت لپاره د خبرونو د تبادلې پر پياوړتيا تمرکز درلود.
دغه پلاوي له بېلابېلو بنسټونو څخه د خپل سفر او د ترکمنستان له چارواکو سره د کتنو په ترڅ کې د نړيوالرسنيو کانګریس (جۍايمسئ) په دریمه غونډه کې چې ټاکل شوې د نومبر په میاشت کې په ابوظبۍ کې ترسره شي، د ګډون بلنه ورکړه.
کانګرس د رسنیو بنسټونو، شرکتونو او کارپوهانو لپاره یو نړیوال پلیټ فارم چمتو کوي ترڅو تجربې تبادله کړي، شراکتونه رامینځته کړي، او د نړیوالو رسنیو په منظره کې د وروستیو پرمختګونو او نوښتونو په اړه تازه پاتې شي.
په پلاوي کې چې د وام د عمومي رییس مرستیال علي یوسف السعد هم شامل و، وویل چې د نړيوالرسنيوکانګرس موخه دا ده چې د رسنیو صنعت اوسني حالت په اړه بحث وکړي او د ټیکنالوژیو د چټک پرمختګونو په رڼا کې چې دا حیاتي ساحه اغیزه کوي د راتلونکي اټکل کوي.
دغه پلاوي ترکمنستان ته د خپل سفر په ترڅ کې د ترکمنستان د فرهنګ او رسنیو په برخه کې د وزیرانو شورا له مرستیال میهرجمال ممدوا سره وکتل. ارسلان اشیروف، د ټلویزیون، راډیو نشراتو او سینماګرافۍ په برخه کې د ترکمنستان د دولتي کمیټې رییس؛ او د ترکمنستان د بهرنیو چارو مرستیال وزیر میاخري باشیمووا. خبرې اترې د متحده عربي اماراتو او ترکمنستان ترمنځ د رسنیو د اړیکو د پیاوړتیا په برخو کې ترسره شوې چې کولی شي ملګرتیا، د پوهې تبادله، کلتوري تفاهم، د رسنیو روزنه او دوه اړخیزو ګټو ته خدمت وکړي.
د غونډو په جریان کې، الریسي د نړیوال رسنیو کانګرس د لومړیو دوو نسخو پایلې روښانه کړې. هغه د پرمختګ په لاسته راوړلو او د خلکو تر منځ د اړیکو او همکارۍ لپاره د فرصتونو په پراخولو کې د دوی په رول ټینګار وکړ. هغه زیاته کړه چې کانګرس د مختلفو کلتورونو او مذهبونو ترمنځ د سولې او زغم د ارزښتونو ملاتړ کوي.
د وام عمومي رییس وویل چې ترکمنستان د اماراتو خبري اژانس سره په بیلابیلو برخو کې د همکارۍ هرکلی کوي چې په دواړو هیوادونو کې د رسنیو صنعت ته خدمت کوي.
هغه د نړۍ په کچه د اړوندو ادارو سره د رسنیو په سکتور کې د شراکت جوړولو او د نړیوالو اړیکو شبکه رامینځته کولو لپاره د وام ژمنې باندې ټینګار وکړ چې په سیمه ایزه او نړیواله کچه د باوري او معتبر خبر سرچینې په توګه خپل شتون پیاوړی کړي.
ترجمه: محمدسليمان