هانګ کانګ، 25 جنوري، 2024 (وام) -- متحده عربي اماراتو د هانګ کانګ د سوداګرۍ پراختیا شورا (ايچکېټۍډۍسۍ) د اجراییوي رییس مرستیال ډاکټر پیټریک لاو په وینا، د منځني ختیځ په سیمه کې د هانګ کانګ لپاره د لوی سوداګریز شریک په توګه خپل دریځ پیاوړی کړی دی.
ډاکټر لاو د اماراتو خبري اژانس (وام) سره د یوې مرکې په ترڅ کې په هانګ کانګ کې د اسیایي مالي فورم په دوام کې د هانګ کانګ د سرشمیرنې او احصایې د څانګې په حواله وویل چې د دواړو خواوو ترمنځ د تیلو پرته بهرنۍ سوداګرۍ ارزښت له دې څخه په 2020 کې 9.4 ملیارد ډالرو ته په 2022 کې 16.23 ملیارد ډالرو ته لوړ شوی دی.
هغه ټینګار وکړ چې په تیر کال کې د متحده عربي اماراتو او هانګ کانګ ترمنځ د غیر تیلو بهرنۍ سوداګرۍ ارزښت د 2023 کال په لومړیو 11 میاشتو کې 16.2 میلیارد ډالرو ته رسیدلی دی.
ډاکټر لاو وويل چې دوه اړخيزې اړيکې ځانګړې دي او هيله يې څرګنده کړه چې په راتلونکې موده کې په بېلا بېلو اقتصادي، سوداګريزو او د پانګونې په ډګرونو کې لا زيات پرمختګ وشي.
هغه د آسیا په مالي فورم کې د متحده عربي اماراتو د استازو د پام وړ شتون په ګوته کړ، چې د راتلونکي همکارۍ او پانګونې فرصتونو لټولو لپاره د ګډې هڅې ښکارندوی کوي. ډاکټر لاو اشاره وکړه چې د متحده عربي اماراتو پانګه اچوونکي لیواله دي چې په هانګ کانګ کې د دوی د پانګې اچونې پورټ فولیو تنوع کړي.
هغه څرګنده کړه چې هانګ کانګ په آسیا کې د یو مهم سوداګریز مرکز په توګه کار کوي، په ټوله نړۍ کې شاوخوا 50 دفترونه لري، سوداګرو او پانګوالو ته د هانګ کانګ لخوا چمتو شوي فرصتونو څخه ګټه پورته کولو کې اسانتیاوې برابروي.
هغه زیاته کړه چې د هانګ کانګ شرکتونه لیواله دي چې په متحده عربي اماراتو کې په حیاتي سکتورونو ، پشمول د زیربنا ، معلوماتي ټیکنالوژۍ ، مالي ټیکنالوژۍ (فینټیک) ، روغتیا ټیکنالوژۍ او بایو روغتیا کې پانګونه وکړي.
ترجمه: محمدسليمان