ابوظبي، 11 فبروري، 2024 (وام) -- ولسمشر جلالتمآب شیخ محمد بن زاید آل نهیان د قطر د دولت د امیر جلالتمآب شیخ تمیم بن حمد آل ثاني څخه د تسلیت پیغام ترلاسه کړ.
د ټلیفوني تماس په ترڅ کې، امیر د متحده عربي اماراتو د وسله والو ځواکونو د یو شمیر غړو د لاسه ورکولو په اړه د خپلې ژورې خواخوږۍ او خواخوږۍ مراتب وړاندې کړل، چې په خواشینۍ سره د سومالیا په فدرالي جمهوریت کې د تروریستي عمل په پایله کې رامنځته شو. دغه سرتیري د سومالیا د وسله والو ځواکونو روزنې او ښه کولو ته ژمن وو. امیر په پېښه کې ټپیانو ته د عاجلې روغتیا هیله هم وکړه.
دغه راز د قطر امیر د شهیدانو کورنیو ته د خپلې ژورې خواخوږۍ او ډاډګیرنې مراتب وړاندې کوي، د لوی خدای له دربار څخه ورته د جمیل صبر او ټپیانو ته د سملاسي روغتیا او د دوی عزیزانو ته یې په دې سخت وخت کې د تسلیت او زغم دعا کړې ده. جلالتمآب د غم په دې شېبه کې د اماراتو سره د قطر پیوستون او ملاتړ یو ځل بیا تاکید وکړ.
د متحده عربي اماراتو ولسمشر د شهیدانو په اړه د خواخوږۍ له امله له جلالتمآب شیخ تمیم بن حمد ال ثاني څخه مننه وکړه.
ترجمه: ګوهررحيم