نوی ډیلي، 19 فبروري 2024 (وام) -- متحده عرب امارات د روان مالي کال په لومړیو نهو میاشتو کې د هندي باسمتي وریجو لپاره د نړۍ په پنځو غوره بازارونو کې و، د هند د حکومت د کرنې او پروسس شوي خوراکي محصولاتو صادراتو پراختیا اداره (اېپۍاۍډۍاې) پرون اعلان وکړ.
د نورو څلورو ګټورو بازارونو څخه، درې یې په منځني ختیځ کې دي، یعنې سعودي عربستان، ایران او عراق. د وریجو د دې ښه ډول لپاره څلورم لوی بازار امریکا دی.
د هند مالي کال د اپریل په لومړۍ نیټه پیل کیږي. نو، د پوښښ موده د اپریل له پیل څخه تر دسمبر 2023 پورې ده، د کوم لپاره چې رسمي احصایې شتون لري.
د دې نهو میاشتو په موده کې، په ټوله نړۍ کې د هندي باسمتی وریجو صادرات 19 سلنه لوړ شوي. د ارزښت په شرایطو کې، دا د تیر کال په ورته دریو ربعو کې د 3.33 ملیارد ډالرو څخه 3.97 ملیارد ډالرو ته لوړ شوی.
په حجم کې، صادرات په ورته وخت کې د 3.198 ملیون متریک ټنو څخه 3.543 ملیون میټریک ټنو ته 11 سلنه لوړ شوي.
د کرنې او پروسس شوي خوراکي محصولاتو صادراتو پراختیا اداره وویل، "دا قوي فعالیت د باسمتی وریجو دوامداره شهرت او نړیواله غوښتنه په ګوته کوي، چې د هند د صادراتو په پورټ فولیو کې د یو مهم زراعتي محصول په توګه خپل موقف نور هم پیاوړی کوي."
د کرنې او پروسس شوي خوراکي محصولاتو صادراتو پراختیا اداره د فبرورۍ په 13 مه د خپل 38 د تاسیس د ورځې په مناسبت وویل چې په 2022-23 مالي کال کې د هند ټول کرنیز صادرات د 53.1 ملیارد ډالرو ارزښت درلود.
ترجمه: ګوهررحيم