ابو ظهبي، 6 فبروري، 2023 (وام) -- ولسمشر جلالتماب شیخ محمد بن زاید آل نهیان د سوریې ولسمشر بشار الاسد او د ترکیې ولسمشر رجب طیب اردوغان سره دوه جلا تلیفوني خبرې وکړې.
په دې ټیلیفوني خبرو کې د دواړو هېوادونو جمهور رئیسانو، د هغوی خلکو او د دواړو هېوادونو د زلزلې له امله د زیانمنو شویو کسانو کورنیو ته د خپلې ژورې خواخوږۍ او ډاډګیرنې مراتب وړاندې کړل. هغه د خپل ملاتړ او پیوستون وړاندیز هم وکړ او ټپیانو ته یې د عاجلې روغتیا هیله وکړه.
جلالتماب شیخ محمد بن زاید آل نهیان د سوریې او ترکیې لپاره د متحده عربي اماراتو په ملاتړ ټینګار وکړ او د زلزلې د اغیزو د کمولو په برخه کې یې د هر ډول مرستې وړاندیز وکړ.
د سوريې او ترکيې ولسمشرانو له جلالتمآب څخه مننه وکړه او د متحده عربي اماراتو د دوامدار پرمختګ او برياليتوب هيله يې وکړه.
https://wam.ae/en/details/1395303125571
ترجمه: محمد سليمان