ابوظبي، 17 جولای، 2023 (وام) -- ولسمشر جلالتمآب شیخ محمد بن زاید آل نهیان او د جاپان لومړي وزیر فومیو کیشیدا نن د یو شمیر تفاهم یادداشتونو او تړونونو د تبادلې شاهدان وو چې هدف یې د دواړو هیوادونو ترمنځ د اوږدې مودې اړیکې د لا قوي او پیاوړي کولو په هدف دی.
دا تبادله متحده عربي اماراتو ته د جاپان د لومړي وزیر د رسمي سفر په ترڅ کې د ابوظبۍ په قصر الوطن کې وشوه.
هغه تفاهم لیکونه او موافقتنامې چې د متحده عربي اماراتو-جاپان هراړخیز ستراتیژیکې ملګرتیا باندې تیر کال اعلان شوې، د جلالتمآب شیخ منصور بن زاید آل نهیان، د مرستیال ولسمشر، د لومړي وزیر مرستیال او د ولسمشرۍ د محکمې د وزیر او یوشییکو اسوزاکي، د جاپان د کابینې مرستیال سکرتر ترمنځ تبادله شوي.
په تړونونو کې شامل وو:
• د متحده عربي اماراتو د اقلیم د بدلون او چاپیریال وزارت او د جاپان د کرنې، ځنګلونو او کب نیولو وزارت ترمنځ د کرنې او کب نیولو په ساحه کې د تفاهم یادداشت.
• د متحده عربي اماراتو د اقتصاد وزارت او د جاپان د ځمکې، زیربنا، ټرانسپورټ او ګرځندوی وزارت ترمنځ د ګرځندوی په برخه کې د تفاهم یادداشت.
• د متحده عربي اماراتو د پوهنې وزارت او د جاپان د پوهنې، کلتور، سپورت، ساینس او ټکنالوژۍ وزارت ترمنځ د پوهنې په برخه کې د تفاهم یادداشت.
• د متحده عربي اماراتو د فضايي ادارې او د جاپان د کابینې دفتر ترمنځ د تفاهم یادداشت؛ د جاپان د پوهنې، کلتور، سپورت، ساینس او ټیکنالوژۍ وزارت؛ او د جاپان د اقتصاد، سوداګرۍ او صنایعو وزارت، د سوله ایزو موخو لپاره د فضا فعالیتونو پورې اړه لري.
• د متحده عربي اماراتو د صنعت او پرمختللې ټیکنالوژۍ وزارت او د جاپان د اقتصاد، سوداګرۍ او صنایعو وزارت ترمنځ د ارادې ګډه اعلامیه، د انرژۍ د خوندیتوب او صنعت سرعت (اۍ ايس ايي اې) د جوړولو په تړاو.
• د اقلیم د عمل په اړه د جاپان-متحده عربي اماراتو د مشرانو ګډه اعلامیه.
نور یادداشتونه او موافقتنامې په دواړو هیوادونو کې د دولتي ادارو او خصوصي ادارو ترمنځ اعلان شوې چې په کلیدي سکتورونو کې د پایښت، فضا ساینس، ټیکنالوژۍ، چاپیریال، د نوي کیدونکي انرژۍ، ترانسپورت، روغتیا پاملرنې، زیربنا، صنعت او نورو په شمول.
https://wam.ae/en/details/1395303178134
ترجمه: محمد سليمان