بیجنگ، 3جنوری ، 2024 (وام) ۔۔ چائنا میڈیا گروپ نے رپورٹ کیا ہےکہ ہوا سے بجلی پیدا کرنے والے دنیا کے سب سے اونچےمنصوبے نے پیر کو تبت میں باضابطہ طور پر کام شروع کر دیا ہے۔ ناگچو میں سطح سمندر سے 4,650 میٹر بلندی پر واقع 200 ملین کلو واٹ گھنٹے کا Omatingga فارم مکمل طور پر جڑ جانے کے بعد 200,000 سے زیادہ رہائشیوں کی سالانہ بجلی کی ضروریات کو پورا کر سکتا ہے۔
عملے نے اپنے نئے سال کے آغاز پر صبح سویرے خوشی سے کام شروع کیا۔ یہ منصوبہ تحقیق، تعیناتی اور اونچائی پر چلنے والی ونڈ ٹربائنز کی پیمائش کو بڑھانے میں ایک مثالی کردار ادا کرتا ہے۔ 50 میگا واٹ کی شمسی تنصیب بھی حال ہی میں لوکھا میں ریکارڈ قائم کرنے والی اونچائی پر آن لائن ہوئی جس سے تقریباً 4,000 گھرانوں کو روزانہ کی فراہمی متوقع ہے۔
تبت کے شمسی وسائل کا موثر استعمال نہ صرف صاف ستھری بجلی فراہم کرتا ہے بلکہ روزگار کے نئے مواقع بھی فراہم کرتا ہے۔ ایک ریاستی پاور کمپنی نے عملے کی تربیت کو سپانسر کیا اور ملازمتوں کی ضمانت دی۔ ایک مقامی رہائشی نے اپناکورس مکمل کرنے اور ملازمت حاصل کرنے کے بعد کہا کہ وہ اب حاصل کردہ اسناد کے ساتھ زیادہ تر پلانٹس کو آزادانہ طور پر چلا سکتا ہے۔
ترجمہ: ریاض خان