ابوظبی، 2جنوری ، 2024 (وام) ۔۔سپریم کونسل کے رکن اور فجیرہ کے حکمران شیخ حمد بن محمد الشرقی اور سپریم کونسل کے رکن اور ام القیوین کے حکمران شیخ سعود بن راشد المعلا نے ابوظہبی میں تعزیتی مجلس میں شیخہ مہرہ بنت خالد بن سلطان النہیان کے انتقال پر تعزیت کا اظہار کیا ہے۔
انہوں نے عزت مآب شیخ سرور بن محمد النہیان، عزت مآب شیخ طحنون بن سعید النہیان اور النہیان خاندان سے دلی ہمدردی کا اظہار کرتے ہوئے دعا کی کہ اللہ تعالیٰ مرحومہ کی روح کو جنت الفردوس میں جگہ دے اور ان کے اہل خانہ کو یہ صدمہ برداشت کرنے کی ہمت عطا فرمائے۔ تعزیتی مجلس میں شیوخ، حکام اور متحدہ عرب امارات کے شہریوں کی بڑی تعداد نے بھی شرکت کی۔
ترجمہ؛ ریاض خان