دبئی، 9 جنوری، 2024 (وام) ۔۔ دبئی نے مسلسل تیسرے سال ٹرپ ایڈوائزر کا بیسٹ آف دی بیسٹ چوائس 2024 کے ایوارڈ میں سرفہرست عالمی منزل کا اعزاز حاصل کیا ہےجس سے دبئی یکے بعد دیگرے یہ قابل ذکر ہےسنگ میل کامیابی حاصل کرنے والا دنیا کاپہلا شہر بن گیا ہے۔
اس اعزاز کا اعلان دبئی اکنامک ایجنڈا ڈی33 کی پہلی سالگرہ کے موقع پر کیا گیا ہے، جس میں نائب صدر، وزیر اعظم اور دبئی کے حکمران عزت مآب شیخ محمد بن راشد المکتوم کی جانب سے شروع کردہ حکمت عملی کی کامیابی کو اجاگر کیا گیا۔
دبئی کی اعلیٰ بین الاقوامی درجہ بندی کا اعلان دنیا کے سب سے بڑے ٹریول گائیڈنس پلیٹ فارم ٹرپ ایڈوائزر نے اپنے ٹریولرز چوائس ایوارڈز برائے 2024: بیسٹ آف دی بیسٹ ڈیسٹینیشنز میں کیا ۔ دبئی کے لیے یہ بیک ٹو بیک اعزازات اور بھی زیادہ اہمیت کے حامل ہیں کیونکہ فاتحین کا انتخاب خصوصی طور پر لاکھوں عالمی مسافروں کے جائزوں کی بنیاد پر کیا جاتا ہے۔ ایوارڈز 1 اکتوبر 2022 سے 30 ستمبر 2023 کے درمیان 12 ماہ کی مدت میں ہوٹلز، ریستوراننز اور ہر مقام کے تجربات کے لیے ٹرپ ایڈوائزر کے جائزوں اور درجہ بندی کے معیار و مقدار کو مدنظررکھا گیا۔
اس حوالے سے دبئی کے ولی عہد اور دبئی ایگزیکٹو کونسل کے چیئرمین عزت مآب شیخ حمدان بن محمد بن راشد المکتوم نے کہا کہ خاص طور پر اقتصادی شعبے میں دبئی کی مسلسل عالمی کامیابیاں عزت مآب شیخ محمد بن راشد المکتوم کے وژن کوٹھوس کامیابیوں میں تبدیل کرنے اور دبئی اکنامک ایجنڈا ڈی33 میں بیان کردہ اہداف کے حصول کی جانب امارات کی پیش رفت کا واضح ثبوت ہیں۔جس کا مقصد دبئی کو اگلی دہائی کے اندر تین عالمی اقتصادی شہروں میں شامل کرنا ہے۔
شیخ حمدان نے کہا کہ دبئی نے مسلسل تیسری بار ٹرپ ایڈوائزر کے بیسٹ آف دی بیسٹ چوائس 2024 کے ایوارڈ میں سرفہرست عالمی منزل کا اعزاز حاصل کیا ہے، اور وہ یہ اعزازحاصل کرنے والا دنیا کا پہلا شہر ہے۔ یہ کامیابی ہماری کوششوں کو واضح کرتی ہے اور اس اہم اقتصادی شعبے میں ہماری ترقیاتی کوششوں کے نتائج کی عکاسی کرتی ہے۔ ہمارا سٹریٹیجک ہدف مہمانوں کی خوشی اور اطمینان کو ترجیح دینا ہے، اور ہم نجی شعبے کے ساتھ مضبوط شراکت داری کے ذریعے جاری ترقی میں اپنی کوششیں جاری رکھنے کا عہد کرتے ہیں۔ ہم ان کامیابیوں کو برقرار رکھنے اور ان سے آگے نکلنے کے لیے پرعزم ہیں۔
شیخ حمدان نے دبئی کے سیاحتی صلاحیت کو فروغ دینے اور سیاحوں کی خواہشات کو پورا کرنے کے لیے متعدد اقدامات متعارف کرانے کے لیے دبئی کے محکمہ اقتصادیات اور سیاحت کی بھی تعریف کی۔ انہوں نے بہترین خدمات، سیاحتی سہولیات اور عالمی معیار کے بنیادی ڈھانچے کی فراہمی کے لیے شہر کے عزم کااعادہ کیا۔
عزت مآب نے ان تمام شعبوں اور حکومتی اداروں کی بھی تعریف کی جنہوں نے دبئی میں اس سنگ میل کو حاصل کرنے میں اہم کردار ادا کیا۔
دبئی کے لیے دنیا کے پسندیدہ مقام کے طور پر بار بار اعزازحاصل کرنا شہر کی متحرک اور متنوع خدمات کا ثبوت ہے، جس میں عالمی معیار کے بنیادی ڈھانچے، تمام ٹچ پوائنٹس پر غیر معمولی خدمات، اور حکومت اور نجی شعبوں کے درمیان مسلسل تعاون ہے۔
دبئی ڈیپارٹمنٹ آف اکانومی اینڈ ٹورازم (ڈی ای ٹی) کے ڈائریکٹر جنرل ہلال سعید المری نے کہا کہ ٹرپیڈوائزر ٹریولرز چوائس بیسٹ آف دی بیسٹ ڈیسٹینیشنز ایوارڈز 2024 میں نمبر ون عالمی منزل قرار پانا دبئی کی بے مثال کامیابی ہے۔ مسلسل تیسرا سال سیاحت کے شعبے میں اسٹیک ہولڈرز اور شراکت داروں کی شاندار کاوشوں اور عزت مآب شیخ محمد بن راشد المکتوم کی دور اندیش قیادت کے لیے ان کے مضبوط ردعمل کی بدولت ہی ممکن ہوا ہے۔
انہوں نے کہا کی ایک بڑھتے ہوئے مسابقتی بین الاقوامی سیاحتی نظام میں، عالمی میٹرکس میں دبئی کی مستقل قیادت مضبوط، ہمیشہ ترقی پذیر انفراسٹرکچر، بہترین درجے کی خدمات فراہم کرنے کے عزم، اور موثر مارکیٹنگ اور آؤٹ ریچ پر بنائی گئی ہے ، ہم دبئی کو ایک منزل کے طور پر مزید بلند کرنے اور اپنے اہداف کو پورا کرنے کے لیے کوششیں جاری رکھیں گے۔
سرفہرست ٹرپ ایڈوائزر ایوارڈ دبئی کو دیے گئے عالمی اعزازات کے سلسلے میں تازہ ترین اضافہ ہے، جس سے شہر کی ایک کثیر جہتی منزل کے طور پر کشش کی مزید توثیق ہوتی ہے۔ 2023 میں، مالیاتی خدمات فراہم کرنے والی کمپنی Remitly کی ایک رپورٹ میں، دبئی کو نقل مکانی کے لیے دنیا کا نمبر 1 شہر قرار دیا گیا، اور پراپرٹی کنسلٹنسی Savills کی جانب سے ان کی ٹاپ 20 فہرست میں دور دراز کے کارکنوں کے لیے دنیا کا بہترین شہر قرار دیا گیا تھا۔
مزید برآں، یورو مانیٹر انٹرنیشنل کے ٹاپ 100 سٹی ڈیسٹینیشن انڈیکس 2023 میں دبئی کو دنیا کا نمبر 2 سٹی ڈیسٹینیشن قرار دیا گیا اور اسے گلوبل پاور سٹی انڈیکس میں ٹاپ 10 شہروں میں سے ایک قرار دیا گیا، موری میموریل فاؤنڈیشن کے ادارہ برائے شہری حکمت عملی کی طرف سے جاری کردہ رپورٹ میں جاپان میں. یو اے ای کو 2023 میں دنیا کا دوسرا محفوظ ترین ملک بھی قرار دیا گیا۔
دبئی کارپوریشن برائے سیاحت و کامرس مارکیٹنگ کے چیف ایگزیکٹیو آفیسر عصام کاظم نے کہا کہ یہ تاریخی کامیابی دبئی کے سرکاری اور نجی اسٹیک ہولڈرز کے درمیان تعاون کے ناقابل یقین جذبے کی عکاسی ہے جو ہمارے مہمانوں کے لیے بے شمار یادگار تجربات کا باعث بنی ہے۔
انہوں نے کہا کہ ہم اپنے بین الاقوامی سیاحوں کی مسلسل تعریف اور حوصلہ افزائی کا اعزاز رکھتے ہیں، ان کے جائزوں اور درجہ بندیوں کے ساتھ ان کی پیاری یادوں کی گواہی ملتی ہے جو دوسروں کو دبئی کی غیر معمولی پیشکشوں کو تلاش کرنے کی ترغیب دیتی ہے۔
دبئی کا غیر معمولی معیار زندگی، آسانی سے داخلے کی سہولت فراہم کرنے والے اقدامات، مضبوط فضائی رابطے اور عالمی سطح پر مشہور کھانے اسے زائرین کے لیے ترجیحی منزل بناتے ہیں ۔ دبئی کی عالمی سیاحت میں سب سے آگے رہنے کی کوششوں میں مستقل ریگولیٹری، انفراسٹرکچر اور سفری اقدامات شامل ہیں۔ اکتوبر 2023 میں، دبئی اور ریئل میڈرڈ نے اکتوبر میں ایک تاریخی عالمی شراکت کا اعلان کیا تاکہ دبئی کو عالمی سطح پر تین سرفہرست شہروں میں سے ایک بنانے کے لیے ڈی33 ایجنڈے کے مطابق بین الاقوامی سطح پر شہر کے بارے میں آگاہی کو مزید بلند کیا جا سکے۔
دبئی ڈیپارٹمنٹ آف اکانومی اینڈ ٹورازم کے شائع کردہ تازہ ترین اعداد و شمار کے مطابق، دبئی نے جنوری اور نومبر 2023 کے درمیان15.37 ملین اورنائٹ بین الاقوامی سیاحوں کا خیرمقدم کیا، جو 2022 کی اسی مدت کے مقابلے میں 20 فیصد زیادہ ہے۔
ترجمہ۔تنویرملک