دبئی، 11جنوری ، 2024 (وام) ۔۔ متحدہ عرب امارات کے وزیر مملکت برائے خارجہ تجارت ڈاکٹر ثانی بن احمد الزیودی اور کوسٹا ریکا کے وزیر برائے خارجہ تجارت مینوئل توور نے ایک مشترکہ بیان پر دستخط کیے ہیں تاکہ دونوں ممالک کے درمیان جامع اقتصادی شراکت داری کے معاہدے (سی ای پی اے) کے لیے مذاکرات کے اختتام کی تصدیق کی جا سکے۔ اس معاہدے کے نفاذ کے بعد دونوں ملکوں کے درمیان ٹیرف ختم یا کم ہوجائے گا، تجارت میں رکاوٹیں کم ہونگی، نجی شعبے کے تعاون کو فروغ ملے گااور سرمایہ کاری کے لیے راستے ہموار ہونگے۔
متحدہ عرب امارات اور کوسٹا ریکا کے درمیان دو طرفہ غیر تیل کی تجارت سال بہ سال مسلسل بڑھ رہی ہے۔ یہ تجارت 2022 میں 23 فیصد بڑھ کر 60.4 ملین ڈالر تک پہنچ گئی جو کہ 2018 میں ریکارڈ کی گئی قیمت سے دوگنی سے زیادہ ہے۔ کوسٹا ریکا کی معیشت نے عالمی چیلنجوں میں لچک کا مظاہرہ کیا ہے۔اس میں 2023 کی پہلی ششماہی میں 4.7 فیصد کی شرح سے اضافہ ہوا ، خدمات کا ملک کے جی ڈی پی میں 66.9 فیصد حصہ ہے۔ یہ صاف توانائی میں علاقائی رہنما بھی ہے۔
ملک میں توانائی کا سب سے بڑا ذریعہ ہائیڈرو پاور ہےجو سرمایہ کاری کے لیے کافی گنجائش فراہم کرتا ہے۔ ڈاکٹر ثانی بن احمد الزیودی نے کہاکہ متحدہ عرب امارات اور کوسٹا ریکا دونوں ممالک ہیں جو کھلی تجارت کے بے پناہ فوائد اور سیاحت، قابل تجدید توانائی، خوراک کی حفاظت، آئی سی ٹی اور مینوفیکچرنگ جیسے اہم شعبوں میں مزید اقتصادی تعاون کے مواقع دیکھتے ہیں۔
کوسٹا ریکا لاطینی امریکہ میں سب سے زیادہ امید افزا، سرمایہ کاری کے لیے دوستانہ معیشتوں میں سے ایک ہے اور ہم تجارتی سرگرمیوں کو تیز کرنے اور سرمایہ کاری اور مشترکہ منصوبوں کے لیے پلیٹ فارم قائم کرنے کے لیے اپنے مثبت تعلقات کو استوار کرنے کے منتظر ہیں۔ انہوں نے کہا کہ ہم دونوں لچکدار، مستقبل کے ثبوت اور پائیدار معیشتوں کی ترقی کے لیے پرعزم ہیں اور یہ شراکت داری ہمیں ایک دوسرے کی کوششوں کی حمایت کرنے کے قابل بنائے گی۔ کوسٹا ریکا کے وزیر برائے خارجہ تجارت مینوئل ٹوور نے کہاکہ اس بات چیت کے اختتام پر پہنچ کر مجھے اطمینان اور فخر محسوس ہوتا ہے۔
متحدہ عرب امارات کے ساتھ معاہوہ کوسٹا ریکا کے لیے ایک سنگ میل کی حیثیت رکھتا ہے کیونکہ یہ پہلا موقع ہے کہ کوسٹا ریکا نے مشرق وسطیٰ اور خلیجی ملک کے ساتھ معاہدے پر دستخط کیے ہیں۔ انہوں نے کہا کہ مجھے یقین ہے کہ مستقبل میں معاہدے کا نفاذ کوسٹا ریکا اور متحدہ عرب امارات کے درمیان تعلقات کو مضبوط کرے گا جو ایک دیرینہ شراکت دار اور دوست ہےکیونکہ یہ ہماری برآمدی سپلائی اور صارفین اور پروڈیوسرز کے لیے مواقع کو وسعت اور متنوع بنائے گا۔
متحدہ عرب امارات نے ستمبر 2021 میں اپنا CEPA پروگرام شروع کیا اور بھارت، انڈونیشیا، اسرائیل، ترکیہ، جنوبی کوریا، کمبوڈیا، کولمبیا، جارجیا، ماریشس ،کانگو اور برازاویل کے ساتھ کامیابی کے ساتھ معاہدے کیے ہیں۔ پہلے چار معاہدے پہلے ہی نافذ ہو چکے ہیں۔
ترجمہ: ریاض خان