ڈیوس، 16جنوری ، 2024 (وام) ۔۔ وزیر مملکت برائے مصنوعی ذہانت، ڈیجیٹل اکانومی اور ریموٹ ورک ایپلی کیشنز عمر بن سلطان العلماء نے اس بات پر زور دیا ہےکہ عالمی جنریٹیو مصنوعی ذہانت کی مارکیٹ میں تیزی سے ترقی دیکھنے میں آئی ہے اور مصنوعی ذہانت مستقبل کے لیے محرک قوت اور انجن ہے۔
انہوں نے نشاندہی کی کہ متحدہ عرب امارات کی قیادت نے دو دہائیوں سے زیادہ عرصے سے چوتھے صنعتی انقلاب کی صلاحیتوں اور حل کو اپنانے اور تیار کرنے کی اہمیت کو تسلیم کیا ہے۔
54ویں عالمی اقتصادی فورم کے ایک حصے کے طور پر "جنریٹو اے آئی : سٹیم انجن آف دی فورتھ انڈسٹریل ریوولوشن" کے عنوان سے منعقدہ سیشن میں العلماء نے کہا کہ عالمی کوششوں کا انضمام بین الاقوامی مکالمے کے لیے موثر پلیٹ فارم فراہم کرنے کے ذریعے جیسا کہ ورلڈ اکنامک فورم مستقبل کے شعبوں میں حکومتوں کی تیاری کو بڑھانے میں معاون ثابت ہوتا ہے اور مستقبل کی جانب پیش رفت کو تیز کرنے کے لیے حل اور آلات تیار کرنے میں ان کی کوششوں کی حمایت کرتا ہے۔ انہوں نے موجودہ اور مستقبل کے چیلنجوں اور مواقع کی نقشہ سازی اور ان سے نمٹنے کے لیے بنیادیں رکھنے میں بین الاقوامی تعاون کی اہمیت پر زور دیا۔
انہوں نے کہا کہ متحدہ عرب امارات کی حکومت دنیا بھر کی ٹیکنالوجی کمپنیوں کے ساتھ بین الاقوامی تعاون اور شراکت کی کوشش کرتی ہے تاکہ مثبت منافع کی وصولی کو یقینی بنایا جا سکے اور وقت کے ساتھ ساتھ ٹیکنالوجی کے منفی اثرات کو دور کیا جا سکے۔ العلماء نے متحدہ عرب امارات کے بڑے، چھوٹے اور درمیانے درجے کے کاروباری اداروں کے لیے امارات کے اہداف اور اس میں موجود مثبت مواقع میں شراکت کی صلاحیت کو تسلیم کرتے ہوئے تخلیقی مصنوعی ذہانت کو اپنانے میں تیزی لانے کے لیے سازگار ماحول پیدا کرنے کے لیے متحدہ عرب امارات کے عزم پر زور دیا۔
انہوں نے کہا کہ متحدہ عرب امارات کے پاس 200 سے زائد قومیتوں کی وجہ سے نمایاں صلاحیتیں اور وسائل موجود ہیں جو اسے مختلف شعبوں جیسے صحت کی دیکھ بھال اور ترقی اور بہتری کی ضرورت کے دیگر شعبوں میں عالمی مصنوعی ذہانت کی ایپلی کیشنز تیار کرنے کے لیے ایک مثالی پلیٹ فارم بناتا ہے۔ اماراتی وزیر نے متحدہ عرب امارات کے ڈیجیٹل انفراسٹرکچر اور لچکدار قانون سازی کے فریم ورک پر روشنی ڈالی جس سے متحدہ عرب امارات اور تکنیکی کمپنیوں کی باہمی خوشحالی کو یقینی بنایا گیا۔
انہوں نے کہا کہ تخلیقی مصنوعی ذہانت کے ارتقاء کے ساتھ ڈیجیٹل مہارتوں کو فروغ دینے کی اہمیت میں اضافہ ہوا ہے اور نئی ٹیکنالوجیز سے ہم آہنگ ہونے اور عالمی تبدیلیوں سے ہم آہنگ ہونے کے لیے ہنرمندوں کی چستی کو یقینی بنانے کی ضرورت پر زور دیا ہے۔ ورلڈ اکنامک فورم کے آرٹیفیشل انٹیلی جنس گورننس الائنس کے اقدامات کے ایک حصے کے طور پر منعقد ہونے والے اس سیشن میں مختلف شعبوں میں چوتھے صنعتی انقلاب میں پیدا ہونے والی مصنوعی ذہانت اور ذہین ٹیکنالوجی کی تیز ترین اور سب سے زیادہ اثر انگیز اختراعات میں سے ایک میں تبدیلی پر توجہ مرکوز کی گئی۔
سیشن میں مستقبل کی توقع میں ڈیجیٹل مہارتوں کو فروغ دینے کی اہمیت، عالمی صنعت پر تخلیقی مصنوعی ذہانت کے اثرات، اس کے مختلف چیلنجوں سے نمٹنے کے لیے حکومتوں اور رہنماؤں کے لیے حل اور پیداواری کارکردگی کو بہتر بنانے کے لیے مصنوعی ذہانت کے حل کے ذریعے مواقع پیش کیے گئے۔
ترجمہ: ریاض خان