ابوظہبی، 5 مارچ، 2024 (وام) ۔۔ ادنوک نے 2023 میں مصنوعی ذہانت (اے آئی)سلوشنز کے استعمال سے50کروڑڈالر(1ارب 84کروڑ درہم) کی آمدنی حاصل کی ہے۔
یہ قدر ادنوک کی مکمل ویلیو چین میں فیلڈ آپریشنز سے لے کر بہتر اور تیز کارپوریٹ فیصلہ سازی تک 30 سے زیادہ صنعتی اے آئی ٹولز کو مربوط کرنے سے پیدا ہوئی ۔ ان ایپلی کیشنز نے 2022 اور 2023 کے درمیان 10لاکھ ٹن کاربن ڈائی آکسائیڈ کے اخراج کو بھی کم کیا، جو کہ تقریباً 2لاکھ پٹرول سے چلنے والی کاروں کو سڑک سے ہٹانے کے برابر ہے۔
یہ کامیابی ادنوک کی اے آئی، روبوٹک آٹومیشن اور جدید ڈیٹا اینالیٹکس جیسی اہم ٹیکنالوجیز تیار کرنے اور ان کے استعمال کی دیرینہ حکمت عملی کا ثبوت ہے۔ یہ سنگ میل ایک کثیر سالہ پروگرام کے آغاز کی نشان دہی ہے جس میں ادنوک کی ویلیو میں اے آئی سلوشنز کی تعیناتی کو تیز کیا گیا تاکہ حفاظت کو مزید بہتر بنایا جا سکے، جبکہ اخراج میں کمی اور قدر میں اضافہ ہو۔
صنعت و جدید ٹیکنالوجی کے وزیر اور ادنوک کے منیجنگ ڈائریکٹر اور گروپ سی ای او ڈاکٹر سلطان احمد الجابر نے کہاکہ مصنوعی ذہانت ہمارے دور کے سب سے اہم معاشی اور سماجی گیم چینجرز میں سے ایک ہے اور یہ ایک اہم کردار ادا کر سکتی ہے۔ ادنوک میں، ہم نے اپنے آپریشنز میں، کنٹرول روم سے بورڈ روم تک مصنوعی ذہانت کو مربوط کیا ہے، جس سے ہم بہتر فیصلے اور اپنے لوگوں اور ماحول کی بہتر حفاظت کررہے ہیں۔
انہوں نے کہا کہ جیسا کہ ہم توانائی کی محفوظ، قابل اعتماد اور ذمہ دارانہ فراہمی کو یقینی بنانے کے لیے اپنے متنوع پورٹ فولیو کو بڑھا رہے ہیں، ہم اپنے کاروبار کو مستقبل کے ثبوت کے لیے اے آئی کو مزید مربوط کر رہے ہیں اور اپنے اثاثوں اور وسائل سے زیادہ سے زیادہ پائیدار قدر حاصل کر رہے ہیں۔
یہ اعلان ابوظہبی انرجی سنٹر میں منعقدہ ادنوک کے لیڈرشپ فورم میں کیا گیا، جہاں ادنوک گروپ کے ملازمین اسٹریٹجک ترجیحات اور اقدامات پر تبادلہ خیال کرنے کے لیے اکٹھے ہوئے کیونکہ کمپنی اپنے مینڈیٹ کو تبدیل کرنے، ڈیکاربونائز کرنے اور مستقبل کے ثبوت اور ایک محفوظ، قابل اعتماد کو یقینی بنانے کے لیے فراہم کررہی ہے۔
ادنوک کے اپ اسٹریم آپریشنز میں، اے آئی ایپلیکیشنز زیر زمین وسائل کی نقشہ سازی، ڈرلنگ کو بہتر بنانے، پیداواری سرگرمیوں اور ذخائر کے ذہین انتظام میں مرکزی کردار ادا کررہی ہیں۔ اس سے ادنوک اپنی پیداواری صلاحیت کو تیزی اور مؤثر طریقے سے بڑھانے اور دنیا کو کم کاربن کی شدت والی توانائی کی مسلسل فراہمی کو یقینی بنارہا ہے۔
اپ اسٹریم اور ڈاون اسٹریم سہولیات میں، ادنوک کا سنٹرلائزڈ پریڈیکٹیو اینالیٹکس اینڈ ڈائیگنوسٹک پروگرام اے آئی کو اہم آپریشنل آلات کی دور سے نگرانی کرنے کے لیے استعمال کرتا ہے۔ اس پروگرام نے غیر منصوبہ بند شٹ ڈاؤن کی فریکوئنسی میں زبردست کمی کی ہے اور معمول کی دیکھ بھال کی سرگرمی کو آسان بنایا ہے۔
اے آئی 2045 تک ادنوک کے خالص صفر اہداف اور 2030 تک میتھین کے تقریباً صفر کے اخراج کو حاصل کرنے کے اس کے ہدف کے حصول میں بھی مدد کر رہی ہے۔ ایمیشن ایکس جیسے ٹولز آپریشنل سائٹس پر سینکڑوں ذرائع سے ایک ہی وقت میں ڈیٹا اکٹھا کرتے ہیں تاکہ اخراج کے ذرائع کی درست پیش گوئی کی جا سکے۔
ایمیشن ایکس کو اے آئی کیو نے تیار کیا ، جو کہ ادنوک اور جی42 کا مشترکہ منصوبہ ہے جو 2020 میں توانائی کے شعبے کی اے آئی سے چلنے والی تبدیلی کو زیادہ پائیدار مستقبل کی طرف لے جانے کے لیے قائم کیا گیا تھا۔
ادنوک میں کام کرنے والے دیگر اے آئی کیو پروڈکٹس میں ایک ذہین کمپیوٹر ویژن سسٹم SMARTi شامل ہے جو صنعتی اور آپریشنل ماحول میں حفاظتی خطرات کا پتہ لگانے کے لیے اے آئی کا استعمال کرتا ہے۔
روبویل اپ اسٹریم سہولیات میں فلو والوز جیسے آلات کو دور سے چلانے، لاگت کو کم کرنے، حفاظت کو بڑھانے اور پیداواری صلاحیت بڑھانے کے لیے بھی اے آئی کا استعمال کیا جارہا ہے۔
ترجمہ۔تنویرملک
ادنوک نے 2023 میں اے آئی سلوشنز کے استعمال سے 50کروڑ ڈالر کی آمدنی حاصل کی
