دبئی، 7 اپریل، 2024 (وام) ۔۔ پہلے گلف یوتھ گیمز 16 اپریل سے 2 مئی تک متحدہ عرب امارات میں منعقد ہوں گی اور اسکی افتتاحی تقریب دبئی اوپیرا میں ہوگی۔ ایونٹ میں 3,500 مرد اور خواتین کھلاڑی 25 انفرادی اور ٹیم کھیلوں میں حصہ لیں گے۔
افتتاحی تقریب 16 اپریل کو ہوگی اور اس میں 1500 افراد شرکت کریں گے۔ یہ تقریب 40 منٹ طویل ہوگی اور اس میں مختلف قسم کی پرفارمنسزپیش کی جائیں گی جو پائیداری، اتحاد اور نوجوانوں کے موضوعات کو اجاگر کرتی ہیں۔
افتتاحی تقریب میں خلیجی خطے کی ثقافت اور ورثے کو اجاگر کیا جائے گا۔ اس میں روایتی رقص، موسیقی اور ایکروبیٹکس سمیت متعدد پرفارمنسز پیش کی جائیں گی۔ تقریب میں بصری طور پر شاندار تجربہ تخلیق کرنے کے لیے جدید ٹیکنالوجی کا بھی استعمال کیا جائے گا۔
افتتاحی تقریب کے اہم موضوعات میں سے ایک پائیداری ہوگی۔ تقریب میں پائیدار مواد اور طریقوں جیسے ری سائیکل مواد اور ایل ای ڈی لائٹنگ کا استعمال کیا جائے گا۔ اس کامقصد ایک خوبصورت اور ماحول دوست تقریب بنانا ہے۔ افتتاحی تقریب خلیجی خطے کے اتحاد کا جشن بھی ہوگی۔ تقریب میں تمام چھ جی سی سی ممالک کی پرفارمنس پیش کی جائے گی اور یہ خطے کی مشترکہ اقدار اور روایات کو اجاگر کرے گی۔
افتتاحی تقریب نوجوانوں کیلئے بھی ایک پروقار تقریب ہوگی۔ تقریب میں تمام چھ خلیجی ممالک کے نوجوان کھلاڑی شرکت کریں گے اور اور اس میں جسمانی اور ذہنی صحت کو فروغ دینے میں کھیلوں کی اہمیت کو اجاگر کیا جائےگا۔ نیشنل اولمپک کمیٹی کے سیکرٹری جنرل اور پہلے خلیجی یوتھ گیمز کے لیے سپریم آرگنائزنگ کمیٹی کے نائب چیئرمین فارس محمد المتوا نے کہا کہ افتتاحی تقریب ایک متنوع اور تخلیقی تقریب ہو گی جو اس کی بھرپور ثقافت اور ورثے کی عکاسی کرے گی۔
یہ تمام جی سی سی ممالک میں اولمپک اور کھیلوں کی تحریکوں کی ترقی کو بھی ظاہر کرے گی۔ قومی اولمپک کمیٹی کے بورڈ آف ڈائریکٹرز کے رکن اور ہیریٹیج کمیٹی اور افتتاحی اور اختتامی تقریب کمیٹی کے چیئرمین عبدالعزیز السلیمان نے کہاکہ افتتاحی تقریب کے موضوعات کا انتخاب کیا گیا تھا تاکہ ان کی اقدار اور اہداف کی عکاسی کی جا سکے۔ انہوں نے کہا کہ ایونٹ پائیداری کا تھیم پائیدار مواد کے استعمال کی اہمیت کو اجاگر کرے گا۔
انہوں نے کہا کہ یہ تصور کھیلوں کی اہم تقریبات کے لیے ماحول دوست طرز عمل پر توجہ مرکوز کرتا ہے۔ انہوں نے کہا کہ یہ ہماری دانشمند قیادت کے وژن اور پائیداری کے لیے ان کے عزم کے ساتھ بالکل ہم آہنگ ہے جس کی مثال گزشتہ سال دبئی میں منعقدہ یو این فریم ورک کنونشن آن کلائمیٹ چینج (کوپ28) کی میزبانی سے ملتی ہے۔ انہوں نے کہا کہ کوپ 28 کی سفارشات اس نقطہ نظر کو کھیلوں کے بڑے مقابلوں کے لیے سرسبز مستقبل کی طرف مزید رہنمائی کرتی ہیں۔ تقریب میں خطے کے نوجوانوں پر بھی خصوصی توجہ دی جائے گی جنہیں اس کا مستقبل سمجھا جاتا ہے۔
قومی اولمپک کمیٹی کے بورڈ آف ڈائریکٹرز کے رکن اور پہلے خلیجی یوتھ گیمز کے لیے میڈیا کمیٹی کے سربراہ ابراہیم الاسام نے کہا کہ ایک جامع میڈیا پلان موجود ہے جسے ایک شاندار ٹیم کے ذریعے عمل میں لایا گیا ہے جس کی تشہیر، کوریج اور متحدہ عرب امارات کے زیر اہتمام چیمپئن شپ کے بارے میں معلومات کو پھیلانا ہے۔
الاسام نے مزید وضاحت کی کہ پہلے سے منظور شدہ میڈیا کوریج تقریب کے آغاز سے ایک ماہ قبل شروع ہوئی تھی۔ یہ کوریج آئندہ خلیجی ایونٹ کے لیے جوش و خروش پیدا کرنے، حصہ لینے والی ٹیموں کی تیاریوں کی نمائش اور مختلف کمیٹیوں کی جانب سے کی جانے والی کوششوں کے بارے میں بصیرت فراہم کرنے پر مرکوز تھی۔ انہوں نے کہا کہ ہم خبریں نشر کرنے اور گیمز کو فروغ دینے کے لیے مختلف سوشل میڈیا چینلز کا استعمال کر رہے ہیں۔ ہمیں بہت اعتماد ہے کہ چیزیں اچھی طرح سے آگے بڑھ رہی ہیں اور ہمیں امید ہے کہ آنے والے عرصے میں بہترین پیشہ ورانہ کارکردگی کے اشارے حاصل کریں گے کیونکہ ایونٹ کے آغاز کی الٹی گنتی شروع ہو جائے گی۔
دریں اثنامتحدہ عرب امارات کی نوجوان ہینڈ بال ٹیم پہلے خلیجی یوتھ گیمز سے قبل النہدہ کلب ہال میں اپنی روزانہ کی تربیت جاری رکھے ہوئے ہے۔ ہینڈ بال ٹیم کے منیجر خامس السویدی نے بتایا کہ ٹیم نے ناموں کو حتمی شکل دیتے ہوئے تیاری کا دوسرا مرحلہ شروع کر دیا ہے۔
ٹورنامنٹ میں چار ٹیمیں حصہ لیں گی جن میں بحرین، سعودی عرب، قطر اور میزبان ملک متحدہ عرب امارات شامل ہیں۔
ٹائٹل کے لیے متحدہ عرب امارات کی باؤلنگ ٹیم کے مضبوط ترین حریفوں کے بارے میں یوتھ باؤلنگ ٹیم کے منیجر نے کہا کہ ہمیں اپنی ٹیم کے اراکین کی کارکردگی پر بہت زیادہ اعتماد ہے جو مقابلوں کے دوران ذہانت اور اچھے رویے کی خصوصیت رکھتے ہیں۔
انہوں نے کہا کہ عام طور پر چاروں ٹیموں کے درمیان سطحیں بہت قریب ہیں جس کی وجہ سے یہ اندازہ لگانا مشکل ہے کہ کون ٹائٹل جیتے گا۔ یہ بات قابل ذکر ہے کہ متحدہ عرب امارات کی نوجوان بولنگ ٹیم میں دو ریزرو کھلاڑیوں کے علاوہ چار اہم کھلاڑی راشد علی النبی، سالم بدر عبداللہ، محمد حسن الفردان اور راشد عبداللہ المرزوقی شامل ہیں۔
رمضان دبئی چیمپئن شپ میں ٹیم کے کھلاڑیوں کی درجہ بندی میں ٹاپ فور کے ذریعے فیصلہ کیا جائے گا۔
ترجمہ: ریاض خان