سڈنی، 16 مئی، 2024 (وام) – شیخہ حور القاسمی کو 7 مارچ سے 8 جون 2026 تک منعقد ہونے والے سڈنی بینال کے فنّی ڈائریکٹر کے طور پر مقرر کر دیا گیا ہے۔
القاسمی مقامی کمیونٹیز، فنکاروں اور تعلیمی ماہرین کے ساتھ مل کر کام کریں گی، جبکہ وہ اپنے بین الاقوامی نیٹ ورک سے بھی استفادہ کریں گی تاکہ بینال کے 25ویں ایڈیشن کے لیے تصور کو تیار اور نافذ کر سکیں۔
بطور کیوریٹر، القاسمی ہر اس جگہ کی تاریخ پر توجہ مرکوزاتی ہیں جہاں وہ کام کرتی ہیں، ایک تعاون پر مبنی نقطہ نظر اور آرٹس میں تجربہ کاری اور جدت کی حمایت پر زور دیتے ہوئے ایک ملٹی ڈسپلنری پروگرام تشکیل دیتی ہیں۔ 20 سے زائد عرصے سے، وہ فلم، موسیقی، پرفارمنس، اشاعتوں سمیت مختلف ذرائع کے ساتھ وسیع پیمانے پر کام کر رہی ہیں تاکہ تمام فنون لطیفہ کو ایک دوسرے سے جوڑا جا سکے۔
القاسمی نے کہاکہ، "سڈنی کی بنیاد ایک کثیر الثقافتی کمیونٹی ہے، جس میں دنیا بھر سے مختلف ثقافتوں کے لوگ اس پررونما شہر کو اپنا گھر منتخب کرتے اور بناتے ہیں۔ مجھے اس شہر کے اندر موجود مختلف ثقافتوں اور نقطہ نظر کو دریافت کرنے اور ساتھ ہی مقامی فنکاروں اور کمیونٹیز کے ساتھ کام کرنے اور بینال میں نئی آوازیں لانے میں بھیمیں دلچسپی ہے۔ یہ ایک اعزاز اور باعث فخر ہے کہ مجھے سڈنی بینال کے 25ویں ایڈیشن کے فنّی ڈائریکٹر کے طور پر نامزد اور پھر منتخب کیا گیا ہے، میں اب سے ایک دہائی سے زائد عرصے سے اس بینال کا دورہ کر رہی ہوں۔ میں نے ان سالوں میں ہونے والی ترقی کو دیکھا ہے، جس میں مقامی اور عالمی سطح پر مقامی آبادی کی آوازوں کی شمولیت بھی شامل ہے، جس نے اسے آرٹ کی تاریخ کو دوبارہ لکھنے کے لیے ایک ضروری پلیٹ فارم بنا دیا ہے۔"
القاسمی، شارجہ آرٹ فاؤنڈیشن کی صدر اور ڈائریکٹر ہیں، یہ وہ ادارہ ہے جسے انہوں نے 2009 میں دنیا بھر میں آرٹس کے لیے ایک محرک اور علمبردار کے طور پر قائم کیا تھا۔ وہ 2002 سے شارجہ بینال کی ڈائریکٹر رہی ہیں، جو معاصر فنکاروں، کیوریٹرز اور ثقافتی پروڈیوسروں کے لیے بین الاقوامی سطح پر تسلیم شدہ پلیٹ فارم ہے، اور انہوں نے 2023 میں شارجہ بینال 15 کی کیوریٹری کی ذمہ داری بھی نبھائی ہے۔ انہیں 2017 میں انٹرنیشنل بینال ایسوسی ایشن (IBA) کی صدر مقرر کیا گیا تھا اور وہ الشارقہ یونیورسٹی، گلوبل اسٹڈیز کے افریقہ انسٹی ٹیوٹ کی صدر اور الشارقہ آرکیٹیکچر ٹرائینیل کی صدر اور ڈائریکٹر کے طور پر بھی خدمات انجام دے رہی ہیں۔ القاسمی کو گزشتہ جولائی میں چھٹے ایچی ٹرائینیل (2025) کے فنّی ڈائریکٹر کے طور پر مقرر کیا گیا تھا، وہ جاپان کے علاوہ کسی اور ملک سے اس کردار کے لیے منتخب ہونے والی پہلی شخص ہیں۔ انہوں نے لندن میں سرپینٹائن گیلری اور میوزیم آف کنٹیمپریری آرٹ شکاگو سمیت دنیا بھر کی معروف تنظیموں میں مشترکہ طور پر نمائشوں کی کیوریٹری بھی کی ہے۔
سڈنی بینال ایک ممتاز بین الاقوامی معاصر آرٹ کا انعقاد ہے جو دنیا کے ساتھ آسٹریلیا کے تعلقات میں ایک کلیدی کردار ادا کرتا ہے، اور یہ قومی زندگی میں ایک اہم کردار بھی نبھاتا ہے۔ تقریباً 50 سالوں سے، بینال آسٹریلوی فنون لطیفہ کے شعبے میں ایک متحد کرنیوالی قوت کے طور پر کام کر رہا ہے، جس نے سڈنی کی روزمرہ زندگی میں جرات مندانہ طور پر تخلیقی آرٹ نمائشوں اور تجربات کو شامل کیا ہے اور دنیا کے سامنے آسٹریلیا کی فنی برتری کو نمایاں مقام دیا ہے۔ سڈنی بینال نے 130 سے زائد ممالک کے 1900 سے زیادہ قومی اور بین الاقوامی فنکاروں کے ذریعہ فن پاروں کے شاہکاروں کو کمیشن اور پیش کیا ہے۔ اپنی نمائشوں میں مفت داخلے کے ساتھ، سڈنی بینال سب کے لیے مفت رسائی کی پابندی کرتا ہے۔