ابوظبی،3جون، 2024 (وام) ۔۔ کوپ28کی صدارت نے پائیدار زراعت، خوراک کے لچکدار نظام اور موسمیاتی کارروائی سے متعلق متحدہ عرب ماارات میں گزشتہ سال ہونے والی کانفرنس کے اعلامیے کے نفاذ میں مدد کے لیے ٹیکنیکل کوآپریشن کولیبریٹو (ٹی سی سی ) کے آغاز کا اعلان کیا ہے۔
ٹی سی سی شراکت داروں کا ایک گروپ ہے جو رکن ممالک کو معیاری تکنیکی تعاون کی پیشکش کرنے اور اعلامیہ کے مقاصد کو پورا کرنے میں مدد کرنے کے لیے تعاون کرتا ہے۔ یہ اعلان 3 سے 13 جون تک ہونے والی بون کلائمیٹ چینج کانفرنس کے دوران کیا گیا۔ یہ اعلان موسمیاتی تبدیلی کے چیلنجوں سے نمٹنے اور پیرس معاہدے کے اہداف کو حاصل کرنے کے لیے زراعت اور خوراک کے نظام کو آگے بڑھانے میں ایک اہم سنگ میل ہے۔
کوپ28 کے چیف ایگزیکٹیو آفیسر عدنان امین نے کہا کہ کوپ28 نے موسمیات، خوراک اور زراعت پر آج تک کا سب سے مضبوط سیاسی اقدام اٹھایا ہے۔
کوپ28 کے خوراک، زراعت، اور پانی کے دن میں عالمی سطح پر پانی کی قلت اور غذائی تحفظ کے بارے میں اہم اعلانات دیکھنے میں آئے کیونکہ رکن ممالک پائیدار زراعت، لچکدار خوراک کے نظام اور موسمیاتی عمل سے متعلق اعلان کے بعد متحرک ہوئے۔
انہوں نے کہا کہ اس اعلامیے کی اب 159 ممالک نے توثیق کی ہے جو زراعت پر مبنی جی ڈی پی کا 80 فیصد، دنیا کے 70 فیصد کسانوں اور 80 فیصد زراعت سے اخراج کا حصہ ہے۔ انہوں نے کہاکہ یہ تمام ممالک اس بات پر متفق ہیں کہ پیرس موسمیاتی معاہدے یا متحدہ عرب امارات کے اتفاق رائے کے اہداف کو 1.5 ڈگری سینٹی گریڈ کے اندر رکھنے کے اہداف کو حاصل کرنے کا کوئی راستہ نہیں ہے ۔انہوں نے کہاکہ خوراک کے نظام، زراعت کے درمیان معاملات کو حل کیے بغیر موافقت کے عالمی ہدف کے حصول کا کوئی راستہ نہیں ہے۔
انہوں نے کہا کہ تمام ملکوں کو اب کوپ28 میں کیے گئے وعدوں کو پورا کرنا چاہیے اور آب و ہوا کے ایسے منصوبے تیار کرنا ہوں گے جو خوراک، خاندانوں اور آنے والی نسلوں کے لیے کارروائیاں فراہم کریں۔ اعلامیہ کوپ کے عمل کے لیے خوراک کے نظام اور موسمیاتی تبدیلی کے درمیان تعلق کو حل کرنے کے لیے مشترکہ کارروائی کی ضرورت پر زور دیتا ہے۔
اس نے کوپ29 میں اجتماعی پیشرفت کا ابتدائی جائزہ لازمی قرار دیا جس سے کوپ29 اور کوپ30 کے ذریعے ملک کی مسلسل ترقی کے راستے کو یقینی بنایا گیا۔ بون میں ہونے والی تقریب ایک اہم سنگ میل ہے کیونکہ یہ اعلامیہ کے مقاصد کو حاصل کرنے میں ممالک کی مدد کے لیے بھرپور کوششوں کے آغاز کی نشان دہی کرتا ہے جس میں خوراک کے نظام کو شامل کرنے کے لیے ان کی قومی سطح پر طے شدہ شراکت کو اپ ڈیٹ کرنا، مؤثر پالیسی تبدیلیوں کو نافذ کرنا اور موسمیاتی کارروائی کے لیے سرمایہ کاری شامل ہے۔
ٹی سی سی کے بانی اراکین میں متحدہ عرب امارات ، اٹلی، امریکہ، برطانیہ، عالمی بینک، اقوام متحدہ کی خوراک اور زراعت کی تنظیم (ایف اے او)، بین الاقوامی فنڈ برائے زرعی ترقی ، اے جی آر اے، سی جی آئی اے آرجی اے آئی این ، گلوبل گرین گروتھ انسٹیٹیوٹ اور انٹر امریکن انسٹیٹیوٹ فار کوآپریشن آن ایگریکلچر شامل ہیں۔