ابوظہبی، 31 جولائی، 2024 (وام) --پہلی ششماہی 2024 میں پیور ہیلتھ ہولڈنگ نے مالی نتائج کا اعلان کیا ہے، جس میں 53 فیصد اضافے کے ساتھ آمدنی 12.5 ارب درہم تک پہنچ گئی ہے۔ ہسپتالوں، انشورنس اور پروکیورمنٹ شعبوں کی کارکردگی نے اس ترقی میں کلیدی کردار ادا کیاہے۔ کمپنی کا ‘EBITDA’ بھی 15 فیصد اضافے سے 2.2 ارب درہم تک پہنچ گیا جبکہ خالص منافع ایک ارب درہم رہا۔
شیخ شخبوط میڈیکل سٹی اور سرکل ہیلتھ گروپ کے حصول کے نتیجے میں ہسپتالوں سے حاصل ہونے والی آمدنی میں 83 فیصد کا غیر معمولی اضافہ ہوا ہے۔ انشورنس شعبے میں بھی نمایاں ترقی دیکھی گئی، پریمیم میں اضافے اور فعال ممبران کی تعداد بڑھنے کی وجہ سے آمدنی میں 15 فیصد اضافہ ہوا۔ نئے گاہکوں اور اسٹریٹجک پھیلاؤ کی بدولت پروکیورمنٹ شعبے نے بھی کمپنی کی ترقی میں اہم کردار ادا کیا، اس شعبے کی آمدنی میں 36 فیصد اضافہ ہواہے۔
پیور ہیلتھ کی گروپ چیف ایگزیکٹو آفیسر، شائستہ آصف نے کمپنی کی ترقی کی حکمت عملیوں اور سرکل ہیلتھ گروپ اور SSMC کے کامیاب حصول پر زور دیا۔ ان اثاثوں سے ہسپتالوں کے شعبے میں مزید ترقی کے مواقع پیدا ہونے کی توقع ہے، جس سے پیور ہیلتھ متحدہ عرب امارات میں وسیع پیمانے پر مریضوں کی خدمت کر سکے گی اور بین الاقوامی سطح پر اپنی مضبوط موجودگی قائم کرے گی۔