پیرس، یکم اگست، 2024 (وام) -- متحدہ عرب امارات کی قومی جوڈو ٹیم کے رکن آرام گریگوریئن نے پیرس میں جاری 33 ویں سمر اولمپکس میں اپنی شاندار کارکردگی سے سب کو متاثر کیاہے۔
گریگوریئن 90 کلوگرام سے کم وزن کی کیٹگری میں سیمی فائنل میں پہنچنے کے قریب تھے لیکن کوارٹر فائنل میں جاپان کے موراؤ سانچیرو نے انہیں شکست دےدی۔ اس سے قبل انہوں نے اپنے پہلے اور دوسرے میچ میں بہترین کھیل پیش کیا تھا۔
گریگوریئن نے اپنے اولمپک سفر کا آغاز 32 کے راؤنڈ میں ازبکستان کے بوبوونوف دولت کے خلاف کیا، جس میں 50 کھلاڑی شریک تھے۔ اس کے بعد انہوں نے 16 کے راؤنڈ میں سویڈن کے مارکس نائمن کو شکست دی، جو دوحہ 2023 ورلڈ جوڈو چیمپئن شپ میں کانسی کا تمغہ جیت چکے ہیں۔
جوڈو فیڈریشن کے نائب چیئرمین ناصر خلیفہ ال بدور نے پیرس 2024 اولمپکس کے لیے چھ یو اے ای جوڈو کھلاڑیوں کی اہلیت کو ایک اہم کامیابی قرار دیا۔ یہ یو اے ای جوڈو کی مسلسل پانچویں اولمپک شرکت ہے جو قومی اولمپک کمیٹی کی مستقل کوششوں اور ابوظہبی سپورٹس کونسل کی حمایت کی عکاسی کرتی ہے۔