دبئی، 5 اگست، 2024 (وام) -- دبئی چیمبر آف کامرس نے انکشاف کیا ہے کہ خلیجی تعاون کونسل (جی سی سی) کی مارکیٹ 2024 کی پہلی ششماہی کے دوران اس کی رکن کمپنیوں کے لیے عالمی سطح پر برآمدات اور دوبارہ برآمدات کا سب سے بڑا مرکز رہی ہے۔
جی سی سی خطے کی کل برآمدات اور دوبارہ برآمدات میں 53.9 فیصد حصہ داری رہی، جس کی مجموعی مالیت تقریباً 78.6 ارب درہم ہے، جو چیمبر کے ممبران کے لیے اس مارکیٹ کی مسلسل اہمیت کو اجاگر کرتی ہے۔
پیر کو ایک پریس ریلیز میں، دبئی چیمبر نے کہاکہ، "مشرق وسطیٰ کے غیر جی سی سی ممالک ممبران کی برآمدی منڈیوں میں دوسرے نمبر پر رہے، جن کی برآمدات اور دوبارہ برآمدات میں 23.9 فیصد حصہ داری ہے جس کی کل مالیت 34.9 ارب درہم ہے۔"
افریقی منڈیاں 2024 کی پہلی ششماہی کے دوران ممبران کی برآمدات اور دوبارہ برآمدات کے لیے سرکردہ مقامات میں تیسرے نمبر پر رہیں، جن کی کل مالیت 14.5 ارب درہم کے ساتھ 9.9 فیصد حصہ داری ہے۔
ایشیا پیسیفک خطہ اس فہرست میں چوتھے نمبر پر رہا، جس کی برآمدات میں تقریباً 13.4 ارب درہم کی مالیت کے ساتھ 9.2 فیصد حصہ داری ہے۔
یورپی منڈیاں پانچویں نمبر پر آئیں، جن کی کل برآمدات اور دوبارہ برآمدات میں 1.9 فیصد حصہ داری ہے جس کی مالیت 2.8 ارب درہم ہے۔
اس دوران، شمالی امریکہ 946 ملین درہم کی مجموعی مالیت کے ساتھ کل برآمدات اور دوبارہ برآمدات کے 0.6 فیصد کے ساتھ چھٹے نمبر پر رہا۔
لاطینی امریکی منڈیاں ساتویں نمبر پر رہیں، جن کی کل برآمدات اور دوبارہ برآمدات میں تقریباً 839 ملین درہم کی مالیت کے ساتھ 0.6 فیصد حصہ داری ہے۔
دبئی چیمبر آف کامرس کے تمام اراکین کی جانب سے برآمدات اور دوبارہ برآمدات کی مجموعی مالیت 2024 کی پہلی ششماہی کے دوران تقریباً 145.9 ارب درہم تک پہنچ گئی، اور چیمبر نے 372,720 سرٹیفکیٹ آف اوریجن جاری کیے ہیں۔