جنیوا، 7 اگست، 2024 (وام) –عالمی ادارہ صحت (ڈبلیو ایچ او)کے مطابق غزہ میں بڑے پیمانے پر نقل مکانی سے عوامی صحت پر سنگین اثرات مرتب ہو رہے ہیں۔ آبادی کی کثافت، مناسب رہائش کی کمی، پانی کی قلت، اور حفظان صحت کے ناقص حالات کے باعث متعدی امراض کا خطرہ بڑھ گیا ہے۔
گزشتہ روز جاری کردہ ایک بیان میں ڈبلیو ایچ او نے خبردار کرتے ہوئے کہا کہ، "جاری لڑائی اور صحت کے نظام کی متاثرہ صلاحیت کے پیش نظر غزہ سے باہر طبی انخلا کے ضرورت مند مریضوں کی تعداد میں اضافہ متوقع ہے۔"
اقوام متحدہ کی اس تنظیم نے غزہ سے متعدد طبی انخلاء کے راستے قائم کرنے کا مطالبہ کیا تاکہ تمام ممکنہ راستوں سے مریضوں کی محفوظ اور بروقت نقل و حرکت کو یقینی بنایا جا سکے۔