نانجنگ، 12 اگست، 2024 (وام) - آسمانی بجلی گرنے سے پارک کا ایک پویلین منہدم ہونے کے نتیجے میں چھ افراد ہلاک اور 10 زخمی ہو گئے۔ یہ افسوسناک واقعہ مشرقی چین کے صوبہ جیانگ سو کے شہر چانگژو میں پیش آیا۔ سرکاری خبر رساں ایجنسی شنہوا کے مطابق، پیر کی صبح 2 بجے تک ہلاکتوں کی تعداد چھ تھی جبکہ 10 دیگر افراد زخمی ہیں۔
آسمانی بجلی چانگژو اکنامک ڈیویلپمنٹ زون میں واقع ہینگشانقیاو ٹاؤن شپ پر اتوار کی شام 8:36 بجے گری۔ اس کے نتیجے میں پویلین منہدم ہو گیا اور بارش سے بچنے کے لیے وہاں پناہ لینے والے کئی افراد ملبے تلے دب گئے۔
امدادی کارروائیاں اتوار کی رات دیر گئے مکمل ہوئیں اور تمام 16 متاثرین کو ہسپتال پہنچایا گیا۔ ان میں سے چھ افراد شدید زخمی تھے اور طبی امداد کے باوجود جانبر نہ ہو سکے۔ باقی 10 افراد کی حالت مستحکم ہے۔