نیویارک، 25 اگست، 2024 (وام) – اقوام متحدہ کے سیکرٹری جنرل انتونیو گوتریس نے بلیو لائن کے پار فائرنگ میں نمایاں اضافے پر گہری تشویش کا اظہار کیا ہے۔
انتونیو گوتریس کے ترجمان اسٹیفن دوجارک کی جانب سے جاری ہونے والے ایک بیان میں کہا گیا ہے کہ ان اقدامات سے لبنانی اور اسرائیلی آبادی دونوں خطرے میں پڑ گئی ہے اور ساتھ ہی علاقائی سلامتی اور استحکام کو بھی خطرہ لاحق ہے۔
سیکرٹری جنرل نے فوری طور پر کشیدگی کم کرنے کا مطالبہ کرتے ہوئے فریقین پر زور دیا کہ وہ فوری طور پر پر جنگ بندی کی طرف لوٹیں اور قرارداد 1701 (2006) پر مکمل عمل درآمد کریں۔