ابوظہبی، 15 اکتوبر، 2024 (وام) --ابوظہبی کے محکمہ ثقافت و سیاحت اور اسفیئر انٹرٹینمنٹ کمپنی نے شراکت داری کا اعلان کیا ہے۔ شراکت داری کے دوران ابوظہبی میں دنیا کا دوسرا "Sphere" تفریحی مرکز بنایا جائے گا۔ یہ ایک جدید ٹیکنالوجی سے لیس تفریحی مقام ہوگا۔ اس سے پہلے لاس ویگاس میں 2023 میں کھولا گیا پہلا ‘Sphere’دنیا بھر میں بہت مشہور ہوا ہے۔
ابوظہبی میں بننے والا ‘Sphere’ جدید ٹیکنالوجی کو کہانی سنانے کے ساتھ ملائے گا، جو شہر کی سیاحت کی حکمت عملی 2030 کے مطابق ہے۔ یہ مقام ابوظہبی کے ایک اہم علاقے میں ہوگا اور اس کے رہائشیوں اور سیاحوں کے لیے ایک بڑی کشش ہونے کی توقع ہے۔
محکمہ ثقافت و سیاحت اس کی تعمیر کے لیے فنڈ فراہم کرے گا اور اسفیئر انٹرٹینمنٹ کو فرنچائز فیس ادا کرے گا تاکہ اسفیئر انٹرٹینمنٹ کے ڈیزائن، ٹیکنالوجی، اور دانشورانہ املاک کو استعمال کرتے ہوئے یہ مرکز بنایا جا سکے۔ اسفیئر انٹرٹینمنٹ اس مقام کی ترقی، تعمیر اور افتتاح سے قبل کی خدمات بھی فراہم کرے گا۔