ابوظہبی، 6 نومبر، 2024 (وام) --ادنوک اور ‘ADQ’ کا مشترکہ منصوبہ 'تعزیز' نے ابوظہبی کے الرویس انڈسٹریل سٹی میں'تعزیز' کیمیکلز اور ٹرانزیشن فیولز ایکو سسٹم کے لیے انفراسٹرکچر کی ترقی کے لیے 2 بلین ڈالر سے زائد مالیت کے انجینئرنگ، پروکیورمنٹ اور کنسٹرکشن (EPC) معاہدوں کا اعلان کیا ہے۔
توقع ہے کہ یہ معاہدے ادنوک کے ان کنٹری ویلیو (ICV) پروگرام کے تحت متحدہ عرب امارات کی معیشت کو فروغ دیں گے۔ یہ ایوارڈز 'تعزیز' کی جانب سے گھریلو کم کاربن کیمیکلز سپلائی چین قائم کرنے کی کوششوں اور اادنوک کے دنیا کے ٹاپ پانچ کیمیکل پلیئر بننے کے عزائم کی بھی حمایت کریں گے۔
'تعزیز' 2027 میں پیداوار شروع کرنے کے لیے تیار ہے، جس کا مقصد 2028 تک 4.7 ملین ٹن سالانہ کیمیکلز کی پیداوار ہے۔ انجینئرنگ، پروکیورمنٹ اور کنسٹرکشن معاہدے 'NMDC' گروپ، روٹری انجینئرنگ-ابوظہبی اور الجیمی کنٹریکٹنگ کو دیے گئے ہیں۔