ابوظہبی، 6 نومبر، 2024 (وام) --متحدہ عرب امارات کے صدر عزت مآب شیخ محمد بن زاید النہیان نے یمن کی صدارتی قیادت کونسل کے رکن طارق محمد عبداللہ صالح سے ملاقات کی جو اس وقت ابوظہبی کے زاید ملٹری اسپتال میں زیر علاج ہیں۔
عزت مآب نے طارق محمد عبداللہ صالح کی صحت کا جائزہ لیا اور ان کی جلد صحت یابی کے لئے دعا کی۔
انہوں نے اس دورے پر عزت مآب کا تہہ دل سے شکریہ ادا کیا اور ان کی صحت اور خوشی کے لیے نیک تمناؤں کا اظہار کیا۔ انہوں نے مختلف سطحوں پر یمن کی عوام کے لئے متحدہ عرب امارات کی پائیدار حمایت کو بھی سراہا۔