ٹوکیو، 18 دسمبر، 2024 (وام) --جاپانی اسٹارٹ اپ اسپیس ون کمپنی کو بدھ کے روز اپنے راکٹ لانچ میں دوسری بار ناکامی کا سامنا کرنا پڑا،
کیوڈو نیوز کے مطابق 18 میٹر طویل کائیروس نمبر 2 سالڈ فیول راکٹ نے کشیموٹو، واکایاما پریفیکچر میں واقع ملک کے واحد کمرشل اسپیس پورٹ اسپیس پورٹ کی سے پرواز کی، لیکن کمپنی نے اعلان کیا کہ راکٹ کو پرواز کے دوران ہی منسوخ کر دیا گیا۔
اسپیس ون کے مطابق، تین مراحل پر مشتمل راکٹ کے پہلے مرحلے اور پیلوڈ فیئرنگ کو دوسرے مرحلے سے الگ کرنے میں کامیابی حاصل ہوئی، لیکن پرواز کے تقریباً 20 منٹ بعد اسے "منسوخ کرنے" کا فیصلہ کیا گیا۔
یہ لانچ، جو اصل میں ہفتے کے روز طے شدہ تھا، تیز ہواؤں کی وجہ سے دو مرتبہ ملتوی کیا گیا تھا۔
ٹوکیو میں قائم اس فرم نے مارچ میں اپنے پہلے راکٹ لانچ کی کوشش کی تھی، جو پرواز کے فوراً بعد راکٹ کے سیلف ڈسٹرکٹ آرڈر جاری ہونے پر پھٹ گیا تھا۔ کمپنی نے کہا تھا کہ یہ ناکامی راکٹ کی پروپلشن کی غلط کیلکولیشن کی وجہ سے ہوئی تھی۔