ابوظہبی، 23 جنوری 2025 (وام) – ابوظہبی نیشنل آئل کمپنی (ادنوک) کی شاہ آئل فیلڈ، جو ابوظہبی کے جنوب میں 230 کلومیٹر کے فاصلے پر واقع ہے، عالمی سطح پر سب سے کم کاربن اخراج کی شدت کے ساتھ 0.1 کلوگرام کاربن ڈائی آکسائیڈ فی بیرل 'kgCO2e/boe' تک پہنچ گی ہے۔ یہ سنگ میل ادنوک کے دنیا کے سب سے کم کاربن اخراج والے تیل اور گیس کی پیداوار کے عزم کو ظاہر کرتا ہے۔
شاہ آئل فیلڈ کی یومیہ پیداوار تقریباً 70,000 بیرل خام تیل ہے، جو متحدہ عرب امارات میں ایک ملین سے زائد گاڑیوں کو ایندھن فراہم کرنے کے لیے کافی ہے۔
یہ کامیابی میدان کی ترقی کو بہتر بنانے، ڈیجیٹلائزیشن، مصنوعی ذہانت (اے آئی)، اور جدید ٹیکنالوجیز کے استعمال کے ذریعے حاصل کی گئی، جس سے کارکردگی کو زیادہ سے زیادہ اور اخراج کو کم سے کم کیا گیا۔ مزید برآں، ادنوک کے آن شور اثاثوں کی الیکٹریفکیشن، جو نیوکلیئر اور سولر انرجی سے چلتے ہیں، نے بھی اس میں اہم کردار ادا کیا۔
ادنوک اپ اسٹریم کے سی ای او، مصبح الکعبی نے کہاکہ، "ٹیکنالوجی ادنوک کے نیٹ زیرو کے سفر میں بنیادی اہمیت رکھتی ہے، اور شاہ فیلڈ میں یہ سنگ میل ہماری پائیداری اور جدت کے عزم کو ظاہر کرتا ہے۔ ہم جدید حل جیسے اے آئی، ڈیجیٹلائزیشن، ریموٹ آپریشنز، اور پیشگوئی ڈیٹا اینالیٹکس کے ذریعے کارکردگی کو بہتر بناتے ہوئے اخراج کو نمایاں طور پر کم کر رہے ہیں۔"
شاہ فیلڈ میں استعمال ہونے والی ٹیکنالوجیز میں لیکوئڈ ایجیکٹر ٹیکنالوجی شامل ہے، جو گیس کو ریکور اور دوبارہ استعمال کرنے کے لیے ڈیزائن کی گئی ہے، جس سے توانائی کی بچت اور اخراج میں کمی ہوتی ہے۔ اسی طرح، ادنوک کا اے آئی سے چلنے والا سنٹرلائزڈ پریڈکٹیو اینالیٹکس ڈائیگناسٹکس (CPAD) پروگرام دیکھ بھال اور آپریشنل وقت کو کم کرتے ہوئے کارکردگی اور حفاظت کو بہتر بناتا ہے۔
2023 میں ادنوک نے اپ اسٹریم کاربن اخراج کی شدت تقریباً 7kgCO2e/bo'e' تک محدود رکھی، جس نے اسے دنیا کے سب سے کم کاربن اخراج والے تیل اور گیس پیدا کرنے والوں میں شامل کیا۔ کمپنی نے 6.2 ملین ٹن 'CO2e' کے اخراج میں کمی کی، جس میں تقریباً 4.8 ملین ٹن کی کمی صاف توانائی کے استعمال، جیسے سولر اور نیوکلیئر پاور، کے ذریعے حاصل کی گئی۔