ابوظبی، 24 مارچ، 2025 (وام) – ادنوک گیس پی ایل سی اور اس کی ذیلی کمپنیوں کے اعلان کے مطابق سالانہ جنرل میٹنگ (AGM) کے دوران 2024 کے لیے 3.41 ارب امریکی ڈالر کے مکمل سالانہ منافع کی منظوری دے دی گئی ہے۔ اس میں 1.706 ارب ڈالر کا آخری منافع بھی شامل ہے، جو 2025 کی دوسری سہ ماہی میں ادا کیا جائے گا۔
ادنوک گیس کے بورڈ آف ڈائریکٹرز کے چیئرمین ڈاکٹر سلطان احمد الجابر نے کہاکہ، "2024 میں ہم نے ریکارڈ مالی نتائج حاصل کیے، بڑے ترقیاتی منصوبوں کو آگے بڑھایا اور ADX (ابوظبی سیکیورٹیز ایکسچینج) پر سب سے بڑا منافع ادا کیا۔ ہم نے مارکیٹ کی مثبت صورتحال سے فائدہ اٹھاتے ہوئے اپنے شیئر ہولڈرز کو 19 فیصد کا کل منافع فراہم کیا۔"
انہوں نے مزید بتایا کہ، "دنیا بھر میں، خاص طور پر ایشیا میں، قدرتی گیس اور ایل این جی کی مانگ بڑھ رہی ہے۔ ایسے میں ہم نے عالمی توانائی کی سیکیورٹی کو یقینی بنانے اور یو اے ای کی معیشت و صنعتی ترقی میں اہم کردار ادا کیا ہے۔"
ادنوک گیس نے 2024 میں 5 ارب ڈالر کی ریکارڈ خالص آمدنی حاصل کی، جو سال بہ سال 13 فیصد اضافہ ظاہر کرتی ہے۔ کمپنی کی 'EBITDA' (خالص منافع سے قبل کمائی) بھی 14 فیصد اضافے سے 8.65 ارب ڈالر رہی، جبکہ فری کیش فلو 4.58 ارب ڈالر رہا۔ EBITDA مارجن 35 فیصد پر مستحکم رہا۔
کمپنی کی یہ شاندار کارکردگی اس حکمتِ عملی کا نتیجہ ہے جس کا اعلان نومبر 2024 میں کیا گیا تھا۔ اس حکمتِ عملی کے تحت اگلے چند برسوں میں 15 ارب ڈالر کی سرمایہ کاری سے گیس پروسیسنگ کی صلاحیت میں 30 فیصد اضافہ کیا جائے گا، جس سے 2029 تک 'EBITDA' میں 40 فیصد اضافہ متوقع ہے۔
ادنوک گیس کی حالیہ 3.1 ارب حصص کی مارکیٹ آفرنگ، ADX کی تاریخ کی سب سے بڑی آفرنگ رہی، جس سے 2.84 ارب ڈالر حاصل ہوئے۔ اس پیشکش کے بعد کمپنی کے شیئر ہولڈرز کی تعداد میں اضافہ ہوا ہے اور امکان ہے کہ رواں سال کے آخر تک ادنوک گیس کو 'MSCI' اور 'FTSE' جیسے بین الاقوامی انڈیکس میں شامل کر لیا جائے گا۔