دبئی، 2 اپریل 2025 (وام) – دبئی الیکٹریسٹی اینڈ واٹر اتھارٹی (DEWA) کے منیجنگ ڈائریکٹر اور سی ای او، سعید محمد الطایر نے بتایا ہے کہ ڈیوا نے 2024 میں بجلی اور پانی کی پیداوار کی کارکردگی میں 43.61 فیصد بہتری حاصل کی، جو 2006 کے مقابلے میں نمایاں پیش رفت ہے۔
انہوں نے کہا کہ اس بہتری کے نتیجے میں 2006 سے 2024 کے درمیان مجموعی طور پر 104 ملین ٹن کاربن ڈائی آکسائیڈ کے اخراج میں کمی آئی، جو ایسے ہے جیسے 527 ملین درخت لگائے گئے ہوں تاکہ اس مقدار میں CO₂ جذب کیا جا سکے۔
سعید الطایر نے مزید کہا کہ اس بہتری نے نہ صرف ماحولیاتی فائدے دیے بلکہ ڈیوا کو مالی بچت بھی فراہم کی۔
دیوا میں پاور اینڈ واٹر جنریشن کے ایگزیکٹو نائب صدر ناصر لوطہ نے کہاکہ، "ہم بجلی اور پانی کی پیداوار میں کارکردگی بڑھانے پر خصوصی توجہ دیتے ہیں، جس کے لیے ہم جدید ٹیکنالوجی، مسلسل اپ گریڈ، اور آپریشن و مینٹیننس کے جدید طریقوں کو بروئے کار لاتے ہیں۔"
ڈیوا بجلی اور پانی کی مشترکہ پیداوار کے لیےکو-جنریشن ٹیکنالوجی استعمال کرتا ہے، جس میں گیس ٹربائنز سے حاصل شدہ ضائع ہونے والی حرارت کو دوبارہ استعمال کر کے اضافی بجلی پیدا کی جاتی ہے، اور یہی توانائی پانی کی نمک کشی کے عمل میں استعمال ہوتی ہے۔
پانی کی نمک کشی کے لیے ڈیوا ایک جدید ہائیبرڈ سسٹم استعمال کرتا ہے، جس میں ملٹی اسٹیج فلیشنگ اور سی واٹر ریورس اوسموسس جیسی مختلف ٹیکنالوجیز شامل ہیں، جو کارکردگی کو بہتر بناتی ہیں اور لاگت میں کمی لاتی ہیں۔