ابوظہبی، 22 جون، 2025 (وام)--متحدہ عرب امارات نے شام کے دارالحکومت دمشق کے قریب مار الیاس چرچ پر ہونے والے دہشت گرد بم حملے کی شدید مذمت کی ہے، جس کے نتیجے میں متعدد بے گناہ افراد جاں بحق اور زخمی ہوئے۔
وزارت خارجہ (MoFA) کی جانب سے جاری بیان میں کہا گیا کہ متحدہ عرب امارات ایسے مجرمانہ اقدامات کی سختی سے مذمت کرتا ہے اور ہر قسم کی دہشت گردی و تشدد کی مستقل بنیادوں پر مخالفت کرتا ہے، کیونکہ یہ امن، استحکام اور انسانی وقار کو نشانہ بنانے کے مترادف ہیں۔
بیان میں متاثرہ خاندانوں، حکومتِ شام اور شامی عوام سے دلی ہمدردی اور تعزیت کا اظہار کیا گیا، اور زخمیوں کی جلد صحتیابی کیلئے نیک تمناؤں کا اظہار بھی کیا گیا۔