ابوظہبی، 16 جولائی، 2025 (وام)--متحدہ عرب امارات کے مرکزی بینک نے ملک میں کام کرنے والے ایک غیر ملکی بینک کی شاخ پر 6 لاکھ درہم کا مالی جرمانہ عائد کر دیا ہے۔ یہ اقدام وفاقی فرمانی قانون نمبر (14) برائے 2018ء کے آرٹیکل (137) کے تحت کیا گیا ہے، جو مرکزی بینک اور مالیاتی اداروں و سرگرمیوں کے نظم و نسق سے متعلق ہے، نیز اس میں کی گئی ترامیم بھی شامل ہیں۔
مرکزی بینک کی جانب سے کی گئی تفتیشی کارروائیوں کے نتائج کے مطابق، مذکورہ بینک شاخ نے مارکیٹ کنڈکٹ اور صارف تحفظ کے قواعد و ضوابط پر عملدرآمد میں ناکامی کا مظاہرہ کیا، جس کی بنیاد پر یہ سزا عائد کی گئی۔
مرکزی بینک نے اپنے نگرانی اور ضابطہ سازی کے اختیارات کے تحت واضح کیا ہے کہ وہ اس امر کو یقینی بناتا ہے کہ تمام بینک اور ان کا عملہ یو اے ای کے قوانین، ضوابط اور وہ معیارات، جو مرکزی بینک نے اپنائے ہیں، کی مکمل پاسداری کریں، تاکہ ملکی مالیاتی نظام اور بینکاری شعبے کی شفافیت و دیانتداری برقرار رکھی جا سکے۔