ابوظہبی، 18 جولائی 2025 (وام)--ائرعربیہ ابوظہبی نے سیالکوٹ، پاکستان کے لیے زاید انٹرنیشنل ایئرپورٹ سے براہِ راست پروازوں کا آغاز کر دیا ہے۔
ایئرلائن کی جانب سے بتایا گیا کہ یہ نئی سروس ہفتے میں تین نان اسٹاپ پروازوں پر مشتمل ہو گی، جو پاکستان میں ملتان اور فیصل آباد کے لیے موجودہ پروازوں کے ساتھ ملا کر نیٹ ورک کو مزید مضبوط کرے گی۔
ائرعربیہ گروپ کے چیف ایگزیکٹو آفیسر، عادل العلی نے اس موقع پر کہا کہ سیالکوٹ کے لیے براہِ راست پروازوں کا آغاز اس بات کی عکاسی ہے کہ کمپنی ابوظہبی سے عالمی سطح پر اسٹریٹیجک فضائی رابطے قائم کرنے کے اپنے عزم پر کاربند ہے۔
انہوں نے مزید کہا کہ نئی سروس کے ذریعے پاکستان میں ائرعربیہ کی موجودگی کو تقویت ملے گی، جبکہ مسافروں کو زیادہ سہولت، قابلِ اعتماد رابطے اور بہتر قیمتوں پر سفری مواقع دستیاب ہوں گے۔