دبئی، 27 جولائی، 2025 (وام)--دبئی روڈز اینڈ ٹرانسپورٹ اتھارٹی (RTA) کے مطابق سال 2025 کی پہلی ششماہی کے دوران پبلک ٹرانسپورٹ کے استعمال میں 9 فیصد اضافہ ریکارڈ کیا گیا ہے۔ رپورٹ کے مطابق رواں سال کے ابتدائی چھ ماہ میں تقریباً 395.3 ملین (39 کروڑ 53 لاکھ) مسافروں نے میٹرو، ٹرام، بسوں، سمندری ذرائع، ٹیکسیوں اور دیگر مشترکہ سفری سہولیات سے استفادہ کیا۔
دبئی روڈز اینڈ ٹرانسپورٹ اتھارٹی کے ڈائریکٹر جنرل اور بورڈ آف ایگزیکٹو ڈائریکٹرز کے چیئرمین مطر الطائر نے اس اضافے کو عوام کے اعتماد اور نظام کی موثر کارکردگی کا نتیجہ قرار دیا۔ ان کے بقول اعلیٰ معیار کی سروسز اور جدید سہولیات نے عوام کو سرکاری ٹرانسپورٹ کی جانب راغب کیا ہے۔
انہوں نے مزید بتایا کہ دبئی میٹرو بلیو لائن کی تعمیر تیزی سے جاری ہے، جبکہ 637 نئی بسوں کی خریداری بھی عمل میں لائی گئی ہے، جن میں 40 بسیں الیکٹرک ہوں گی — جو ماحول دوست پالیسی کا حصہ ہیں۔
اعداد و شمار کے مطابق سب سے زیادہ مسافروں نے دبئی میٹرو اور ٹیکسی سروس سے استفادہ کیا، جو بالترتیب 36.5 فیصد اور 26 فیصد کے ساتھ سر فہرست رہیں۔