ابوظہبی، 5 اگست 2025 (وام)--متحدہ عرب امارات کے صدر کے سفارتی مشیر ڈاکٹر انور قرقاش سے یو اے ای میں متعین یوکرین کے سفیر دمترو سینک نے اپنی سفارتی ذمہ داریوں کے اختتام پر الوداعی ملاقات کی۔
اس موقع پر ڈاکٹر قرقاش نے متحدہ عرب امارات اور یوکرین کے درمیان گہرے دوطرفہ تعلقات کو سراہتے ہوئے اس بات پر زور دیا کہ دونوں ممالک مختلف شعبوں میں باہمی تعاون کو فروغ دینے کے لیے پُرعزم ہیں، تاکہ باہمی مفادات کو تقویت دی جا سکے اور دونوں اقوام کی خوشحالی کو یقینی بنایا جا سکے۔
انہوں نے سفیر سینک کی دورانِ تعیناتی خدمات کو خراج تحسین پیش کیا اور ان کے آئندہ کی ذمہ داریوں کے لیے نیک تمناؤں کا اظہار بھی کیا۔