سیول، 11 فروری، 2026 (وام) -جمہوریہ کوریا کی برآمدات میں فروری کے پہلے دس دنوں کے دوران سال بہ سال 44 اعشاریہ 4 فیصد نمایاں اضافہ ریکارڈ کیا گیا ہے، جس کی بنیادی وجہ سیمی کنڈکٹرز کی مضبوط عالمی مانگ ہے۔
کوریائی کسٹمز سروس کے مطابق یکم سے 10 فروری کے عرصے میں برآمدات کا حجم 21 ارب 39 کروڑ امریکی ڈالر تک پہنچ گیا، جبکہ گزشتہ سال اسی مدت میں یہ 14 ارب 81 کروڑ ڈالر تھا۔
اسی مدت کے دوران درآمدات میں بھی 21 اعشاریہ 1 فیصد اضافہ ہوا اور یہ 20 ارب 74 کروڑ ڈالر تک پہنچ گئیں، جس کے نتیجے میں 6 کروڑ 40 لاکھ ڈالر کا تجارتی سرپلس حاصل ہوا۔ یہ رپورٹ یونہاپ نیوز ایجنسی نے جاری کی۔
اعداد و شمار کے مطابق یومیہ اوسط برآمدات میں بھی سالانہ بنیاد پر 34 اعشاریہ 8 فیصد اضافہ ہوا۔ اس مدت کے دوران کام کے دنوں کی تعداد گزشتہ سال کے مقابلے میں نصف دن اضافے کے ساتھ 7 اعشاریہ 5 دن رہی۔