دبئی، 10 جنوری، 2024 (وام) ۔۔ بات کرنے والوں کی دنیا میں، یہ خاموشی ہے جس نے ایک مواد تخلیق کرنے والے کو کامیابیوں کی بلندیوں پر پہنچا دیاہے ، اٹلی کے سابق فیکٹری ورکر کھابے لیم کےسوشل میڈیا اکاؤنٹس پر25کروڑ19لاکھ سے زیادہ فالوورز اور ٹک ٹاک پر سب سے زیادہ فالو کیے جانے والے ہیں۔
1 بلین فالورز سمٹ کے دوسرے ایڈیشن کے پہلے دن ایک پینل سیشن میں خطاب کرتے ہوئے، دبئی ون میں ٹی وی میزبان نیمی مہتا کے ساتھ، "خاموشی سنہری ہے — کھابے کی کہانی"، کھابےنے ٹریڈ مارک ہاتھ کے اشاروں اور دلچسپ جوابات سےسامعین کو محظوط کیا۔
2022 میں، وہ فارچیون کے 40 انڈر 40 اور فوربز کے 30 انڈر 30 میں شامل تھے۔
کھابے نے بتایا کہ جب میں نے کوویڈ 19 کے دوران ویڈیوز بنانا شروع کیں تو خیال یہ تھا کہ لوگوں کو مسکرانا ہے۔ کوئی حکمت عملی نہیں تھی۔ میں جاگوں گا، کھاؤں گا اور ویڈیو بناؤں گا۔ میرے پاس کوئی خاص کیمرہ نہیں تھا، بس ایک بہت ہی خراب فون تھا۔ میرے پاس خاص لائٹنگ نہیں تھی اس لیے میں کمپیوٹر پر یوٹیوب کھولتا تھا۔ ویب سائٹ کی سفید بیک لائٹ نے مجھے وہ لائٹنگ فراہم کی جس کی مجھے اپنے ویڈیوز کے لیے ضرورت تھی
حقیقت کے طور پر، ہماری روزمرہ کی دنیا میں تقریباً 93 فیصد مواصلات غیر زبانی ہیں۔ کھابے نے نادانستہ طور پر اسے سوشل میڈیا پر دنیا بھر میں اپنے فین بیس سے منسلک کرنے کے لیے کمال کے لیے استعمال کیا ہے۔
اس نے کہا کہ خاموشی ایک عالمگیر زبان ہے۔ سپین، جاپان یا دبئی سے کوئی بھی سمجھ سکتا ہے۔ بڑے، بچے، ہر عمر کے لوگ سمجھ سکتے ہیں۔
ایک ایسے وقت میں جب مواد کے تخلیق کار اپنے فین بیس کو سمجھنے کے لیے ڈیٹا کا استعمال کر رہے ہیں اور مزید لائکس، آراء اور سبسکرائبرز حاصل کرنے کے لیے نئی حکمت عملی وضع کر رہے ہیں، کھابے اپنے کام کے انداز سے مطمئن ہیں۔ جب ان سے پوچھا گیا کہ کیا ان کی بڑھتی ہوئی مقبولیت تکنیک میں تبدیلی کا مطالبہ کرتی ہے تو کھابے نے نفی میں جواب دیا۔
جب نوجوان اور مواد کے خواہشمند تخلیق کاروں سے مشورہ طلب کیا گیا تو، کھابے کے پاس صرف ایک لفظ تھا: اصلیت۔ "آپ بنیں، اصلی بنیں، اور بس شروع کریں۔ اپنے ذہن میں شکوک و شبہات نہ رکھیں۔ مت سوچو، 'لوگ کیا کہیں گے؟' لوگ ہر چیز پر اپنی رائے رکھتے ہوں گے، لیکن اس سے آپ کو بطور مواد تخلیق کار پریشان نہیں ہونا چاہیے۔"
مقبولیت کے ساتھ ٹرولنگ بھی آتی ہے اور منفی تبصرے بھی۔ جب ان سے پوچھا گیا کہ کیا منفی تبصرے سب سے مشہور ٹک ٹاکر کو پریشان کرتے ہیں، کھابے نے کلاسک عربی انداز میں جواب دیاکہ مجھے منفی تبصروں کی پرواہ نہیں ہے۔ یہ وہ لوگ ہیں جو اپنے فون کے پیچھے چھپے ہوئے ہیں۔ وہ میرے لیے کچھ معنی نہیں رکھتے۔
کامیابی کے سب سے بڑے فوائد میں سے ایک اپنی والدہ اور خود کے لیے گھر خریدنا ہے، کھابے نے کہا کہ سامعین کو اپنی صاف گوئی اور زمینی جوابات سے خوش کرتے ہوئے۔ میں ہمیشہ خوش رہا ہوں۔ جب میں اٹلی میں فیکٹری ورکر تھا تو میں خوش تھا۔ میں اپنے آبائی ملک سینیگال میں خوش تھا۔ ہم سب غریب تھے لیکن خوش تھے۔ میں اب خوش ہوں۔ پیسے اور کامیابی نے کچھ نہیں بدلا۔
مشرق وسطیٰ میں اپنی نوعیت کے پہلے ڈیجیٹل میڈیا ادارے، نیو میڈیا اکیڈمی کے زیر اہتمام، مواد کی تخلیق کے لیے متحدہ عرب امارات کا سب سے بڑا مرکز دبئی کے امارات ٹاورز اور میوزیم آف دی فیوچر میں منعقد ہو رہا ہے۔
عالمی سطح پر اپنی نوعیت کے سب سے بڑے ایونٹ، سمٹ میں دنیا بھر کے 3,000 سے زیادہ مواد کے تخلیق کاروں،انفلوئنسرز اور تخلیق کاروں شریک ہیں۔
ترجمہ۔تنویر ملک