متحدہ عرب امارات کے مرکز برائے چوتھے صنعتی انقلاب کامصنوعی ذہانت کے تبادلے کےعالمی پروگرام کا آغاز

ڈیوس، 18جنوری ، 2024 (وام) ۔۔ متحدہ عرب امارات کے مرکز برائے چوتھے صنعتی انقلاب نے مصنوعی ذہانت کی صنعت کے لیڈروں، اختراع کاروں اور دنیا بھر کے ماہرین کے درمیان خلا ءکو پر کرنے کے لیے ایک پلیٹ فارم کا آغاز کیا ہے۔ مرکز برائے چوتھے صنعتی انقلاب فیلوشپ پروگرام کا اعلان ورلڈ اکنامک فورم کےسالانہ اجلاس 2024 کے دوران کیا گیا جو 15 سے 19 جنوری تک منعقد ہوا۔ علم کے تبادلے کے پلیٹ فارم کو متحدہ عرب امارات کے مرکز برائے چوتھے صنعتی انقلاب اور روانڈا مرکز برائے چوتھے صنعتی انقلاب کے درمیان مفاہمت کی یادداشت کے تحت فعال کیا گیا تھا۔ دنیا بھر سے مزید مراکز اے آئی پریکٹیشنرز کی ایک عالمی، باہم مربوط کمیونٹی بنانے کے لیے اس پروگرام میں شامل ہوں گے۔ کمیونٹی نہ صرف علم کا اشتراک کرے گی بلکہ اجتماعی طور پر اے آئی کے نفاذ اور پالیسی کو درپیش چیلنجوں سے بھی نمٹائے گی اور بالآخر ایک زیادہ جامع اور پائیدار دنیا کے لیے اے آئی کی مستقبل کی سمت کو آگے بڑھائے گی۔ دبئی فیوچر فاؤنڈیشن کے سی ای او خلفان بیلہول نے کہاکہ یہ اقدام چیلنجوں کو حل کرنے کے لیے اجتماعی طور پر کام کرنے کے لیے سرکردہ اے آئی ماہرین کی ایک مربوط عالمی برادری بنائے گا۔ وہ جدید پالیسیوں اور قانون سازی کے لیے تعاون کریں گے جو ٹیکنالوجی میں تیز رفتار ترقی کے ساتھ ہم آہنگ رہیں۔ انہون نے کہا کہ یہ عالمی پروگرام دنیا بھر میں C4IR نیٹ ورک کے ساتھ علم کے تبادلے پر توجہ مرکوز کرے گا۔ اس سے دنیا بھر میں اے آئی منصوبوں کی ترقی کے دوران حاصل کردہ علم کو جمع کرنے میں مدد ملے گی تاکہ ترقی کو تیز کیا جا سکے اور اثر کو گہرا کیا جا سکے ۔ روانڈا میں انفارمیشن کمیونیکیشن ٹیکنالوجی اور انوویشن کی وزیر پاؤلا انگابائر نے کہاکہ ہم متحدہ عرب امارات میں اپنے ساتھیوں کے ساتھ اے آئی فیلوشپ پروگرام کا حصہ بننے کے لیے پرجوش ہیں۔ روانڈا اے آئی کا فائدہ اٹھانے کے لیے پرعزم ہے تاکہ مساوی تبدیلی کو آگے بڑھایا جا سکے۔ اے آئی پریکٹیشنرز جو ہمارے وقت کے منفرد چیلنجوں سے نمٹنے کے لیے لیس ہیں۔ انہوں نے کہا کہ تعاون اور مشترکہ مہارت کے ذریعے ہمارا مقصد اختراعات کو آگے بڑھانا اور اے آئی کے مستقبل کو تشکیل دینا اور اسے ایک جامع اور اخلاقی ٹول بنانا ہے جو سب کو فائدہ پہنچاتا ہے۔ اے آئی ایپلی کیشنز میں جدت کو بڑھانے، پس منظر کی سوچ کو اپنانے کو فروغ دینے، اور جدید ترین ٹیکنالوجیز کا استعمال کرتے ہوئے اختراعی حل تیار کرنے کے لیے مشترکہ ورکشاپس کا انعقاد کیا جائے گا۔ ورکشاپس اخلاقی تحفظات، انتظامی ڈھانچے اور پالیسی فریم ورک کا جائزہ لیں گی جو اے آئی کے استعمال کو کنٹرول کرتے ہیں۔ یہ پروگرام ایسے منصوبوں کو تیار کرنے کے لیے C4IR میں حصہ لینے والے افراد کی مدد کرے گا جو اے آئی کو سماجی اثر پیدا کرنے کے لیے استعمال کرتے ہیں اور ساتھ ہی انھیں عالمی اے آئی ایونٹس میں شرکت کا موقع فراہم کرتے ہیں۔ ترجمہ: ریاض خان