شارجہ،26 جنوری ، 2024 (وام) ۔۔ دو سالہ واچ اینڈ جیولری مڈل ایسٹ شو شارجہ میں 31 جنوری سے اس کے 53 ویں ایڈیشن پر بہترین گھڑیوں، زیورات، قیمتی پتھروں اور سونے کی کاریگری کی شاندار نمائش کی جائے گی۔ 500 سے زیادہ نمائش کنندگان بڑی قومی اور بین الاقوامی گولڈ کمپنیوں اور جیولرز سے لے کر متعدد اعلیٰ برانڈ کے ناموں تک نے اس ایونٹ کے لیے اپنے اسٹینڈز بک کیے ہیں جس کا اہتمام ایکسپو سینٹر شارجہ نے شارجہ چیمبر آف کامرس اینڈ انڈسٹری کے تعاون سے کیا ہے۔
شو کا یہ دلکش نیا ایڈیشن 4 فروری تک جاری رہے گا جس میں برطانیہ، امریکہ، روس سے تعلق رکھنے والی گھڑیوں اور زیورات کی مسحور کن دنیا میں کام کرنے والی نمائش کرنے والی کمپنیوں اور مشہور برانڈز کی میزبانی کی جائے گی۔ متحدہ عرب امارات، بحرین، چین، ہانگ کانگ، ہندوستان، اٹلی، لبنان، پاکستان، قطر، سعودی عرب، سنگاپور، تھائی لینڈ، ترکی اور یمن کی دیگر کمپنیاں 26 سال سے زائد عرصے تک شارجہ میں اپنی پسند کی نمائشیں پیش کرنے کی میراث جاری رکھیں گی۔
شارجہ چیمبر اور ایکسپو سینٹر شارجہ کے چیئرمین عبداللہ سلطان الاویس نے کہاکہ واچ اینڈ جیولری مڈل ایسٹ شو کا ہر نیا ایڈیشن اس شعبے کے لیے زبردست اقتصادی رفتار پیدا کرتا ہے۔ بڑے برانڈز کی بے تابانہ توقع ٹھوس ہے کیونکہ وہ شو میں شرکت کے منتظر ہیں اور اس طرح اس شاندار پروڈکٹ رینج کے علاقائی سرپرستوں میں اپنی حیثیت کو آگے بڑھا رہے ہیں۔ انہوں نے کہا کہ وہ شو کی اہمیت سے واقف ہیں۔
گولڈ کامرس کو متحرک کرنے، سیکٹر میں سرمایہ کاری کو وسعت دینے اور پوری دنیا سے کمپنیوں اور سرمایہ کاروں کے درمیان بات چیت کو آسان بنانے کے لیے ایک بے مثال پلیٹ فارم کے طور پر اس کا تعاون ہے۔ ایکسپو سینٹر شارجہ کے سی ای او سیف محمد المدفا ءنے کہا کہ واچ اینڈ جیولری مڈل ایسٹ شو متعدد کمپنیوں اور برانڈز کی توجہ اپنی طرف مبذول کرتا ہے کیونکہ یہ انہیں اپنے جدید ترین ڈیزائنوں کی مارکیٹنگ، خصوصی اور جدید نئی مصنوعات لانچ کرنے کے وسیع مواقع فراہم کرتا ہے۔
ہر نئے ایڈیشن میں نئے ممالک متعدد دیرینہ شرکاء کے ساتھ ایونٹ میں اپنا آغاز کرتے ہیں۔ یہ شو کو کامیاب بنانے کے لیے ایکسپو سینٹر شارجہ کی کوششوں کی عکاسی کرتا ہے جس سے یہ دنیا کے معروف گولڈ اور جیولری مینوفیکچررز میں سب سے زیادہ عالمی شہرت حاصل کرتا ہے۔ 30,000 مربع میٹر کے رقبے پر محیط نمائش کی جگہ ان ممالک کے پویلین کو پیش کرے گی جو ان کی خوبصورت گھڑیوں اور شاندار جیولری ڈیزائن کے لیے مشہور ہیں۔
ہر سال ایونٹ 70,000 زائرین کو خوش آمدید کہتا ہے جن میں 1,800 تجارتی مہمان بھی شامل ہیں جنہیں جدید ترین، فیشن ایبل زیورات، قیمتی پتھروں، موتیوں اور شاندار ٹائم پیس کے ساتھ ساتھ سونے اور ہیرے کے خصوصی ڈیزائنوں کو دیکھنے کا موقع ملتا ہے۔ بدھ سے اتوار تک نمائش 13:00 سے 22:00 تک اپنے دروازے کھولے گی۔جمعہ کے روز یہ 15:00 سے 22:00 تک زائرین کا استقبال کرے گی۔ گھڑیوں اور زیورات کی چمکتی ہوئی دنیا پروگراموں، تہواروں اور سرگرمیوں کی ایک سیریزکے ساتھ منتظر ہے۔
ترجمہ: ریاض خان