ابوظبی، 22اپریل، 2024 (وام) ۔۔ صدر عزت مآب شیخ محمد بن زاید النہیان اور عمان کے سلطان عزت مآب سلطان ھیثم بن طارق نے مفاہمت کی یادداشتوں اور معاہدوں کے اعلان کی تقریب میں شرکت کی۔
ان معاہدوں کا مقصد دونوں ممالک کے درمیان تعلقات کو مزید مضبوط بنا کرانکی مزید ترقی اور خوشحالی کو یقینی بنانا ہے۔
دونوں ممالک کی طرف سے اعلان کردہ معاہدوں اور مفاہمت کی یادداشتوں میں ریلوے، ٹیکنالوجی اور تعلیم کے علاوہ سرمایہ کاری، قابل تجدید توانائی، اور پائیداری سمیت متعدد شعبوں کا احاطہ کیا گیا ہے۔
معاہدوں اور مفاہمت کی یاداشتوں کےاعلان کی تقریب میں عمان کے سلطان کے ہمراہ آنے والے وفد کے ارکان،متعدد شیوخ، وزراء اور اعلیٰ حکام نے بھی شرکت کی۔